Almatyda ózin meditsina qyzmetkeri retinde tanystyrǵan áiel qamaýǵa alyndy, dep habarlaidy "Ult aqparat".
Ózin meditsina qyzmetkerimin dep tanystyrǵan áiel balasy joq áielderdi bedeýlikten emdeimin dep ýáde bergen.
Alaida, is júzinde N. esimdi azamatsha 1986 jyly Qytaida týǵan, buryn sottalǵan jáne izdeýde bolǵan.
«Almaty oblysyndaǵy áriptesterimizdiń N. atty azamatshany alaiaqtyq jasaǵany úshin izdegeni anyqtaldy. Belgili bolǵandai, sot biliginen jasyrynyp júrgen qylmysker taǵy birneshe zańsyz áreket jasaǵan. Ózin meditsina mekemesiniń qyzmetkeri retinde tanystyrǵan ol azamattarǵa bedeýlikti emdeimin jáne ginekologiia salasyndaǵy basqa da aýyr meditsinalyq manipýliatsiialardy júrgizemin dep ýáde berip, ol úshin aldyn ala syiaqy talap etken. Zardap shekkendermen kezdesken kezde ózin «Altynai» dep tanystyrǵan», – dedi Túrksib aýdandyq politsiia basqarmasy janyndaǵy bólim bastyǵy Erlan Aianbaev.
Qazir kúdikti qamaýda. Sotqa deiingi tergeý Qylmystyq kodekstiń 190-baby boiynsha júrgizilýde.
Politsiia basqarmasyndaǵylar alaiaqtyq áreket jasady degen kúdikke ilingen áieldiń sýretin jariialap, onyń áreketinen zardap shekken azamattar bolsa 295-54-61; 8-775-718-35-05 jáne 8-701-758-67-60 telefondar nómirine habarlasýlaryn suraidy.
