BBC-diń Orys qyzmeti maqalalarynda keibir postsovettik elderdiń ataýlaryn ózgertti. «Belorýssiia - Belarýs, Kirgiziia – Qyrǵyzstan, Túrkmeniia - Túrkimenstan, Moldaviia - Moldova bolady», dep habarlady Orys qyzmetiniń redaktory Famil Ismailov.
Ol bul týraly jazǵan blogynda memleket ataýlary tóńiregindegi pikirtalas burynnan baryn aitady. KSRO ydyraǵan soń, táýelsiz respýblikalar ataýlaryn ózgertken.
"Biz maqalalarymyzda sovet zamanyndaǵy oqýlyqtarda jazylǵan memleket ataýlaryn qoldanyp keldik. Biraq ony da ózgertetin ýaqyt keldi" dep túsindirdi redaktor.
Qyrǵyzstan - Qyrǵyz Respýblikasynyń resmi qysqartylǵan ataýy. El Konstitýtsiiasynyń qyrǵyz jáne orys tilderindegi nusqalarynda Qyrǵyzstan dep kórsetilgen. Biraq reseilik aqparat quraldary áli kúnge deiin Kirgiziia ataýyn qoldanyp júr.
