BBC-دٸڭ ورىس قىزمەتٸ ماقالالارىندا كەيبٸر پوستسوۆەتتٸك ەلدەردٸڭ اتاۋلارىن ٶزگەرتتٸ. «بەلورۋسسييا - بەلارۋس, كيرگيزييا – قىرعىزستان, تٷركمەنييا - تٷركٸمەنستان, مولداۆييا - مولدوۆا بولادى», دەپ حابارلادى ورىس قىزمەتٸنٸڭ رەداكتورى فاميل يسمايلوۆ.
ول بۇل تۋرالى جازعان بلوگىندا مەملەكەت اتاۋلارى تٶڭٸرەگٸندەگٸ پٸكٸرتالاس بۇرىننان بارىن ايتادى. كسرو ىدىراعان سوڭ, تەۋەلسٸز رەسپۋبليكالار اتاۋلارىن ٶزگەرتكەن.
"بٸز ماقالالارىمىزدا سوۆەت زامانىنداعى وقۋلىقتاردا جازىلعان مەملەكەت اتاۋلارىن قولدانىپ كەلدٸك. بٸراق ونى دا ٶزگەرتەتٸن ۋاقىت كەلدٸ" دەپ تٷسٸندٸردٸ رەداكتور.
قىرعىزستان - قىرعىز رەسپۋبليكاسىنىڭ رەسمي قىسقارتىلعان اتاۋى. ەل كونستيتۋتسيياسىنىڭ قىرعىز جەنە ورىس تٸلدەرٸندەگٸ نۇسقالارىندا قىرعىزستان دەپ كٶرسەتٸلگەن. بٸراق رەسەيلٸك اقپارات قۇرالدارى ەلٸ كٷنگە دەيٸن كيرگيزييا اتاۋىن قولدانىپ جٷر.
