QR Premer-Ministri Asqar Maminniń tóraǵalyǵymen ótken «Báiterek» ulttyq basqarýshy holdingi» AQ Direktorlar keńesiniń otyrysynda holdingtiń 2019 jylǵy investitsiialyq saiasaty máselesi qaraldy, dep habarlaidy "Ult aqparat".
2019 jyly «Báiterek» holdinginiń enshiles uiymdary ekonomikanyń shikizattyq emes salalarynyń kásiporyndaryna jalpy somasy 839 mlrd teńgege qoldaý kórsetti. Ótken jylmen salystyrǵanda qarjylyq qoldaý kólemi 123,8 mlrd teńgege nemese 17%-ǵa ulǵaidy.
Ekonomikanyń jeke sektoryn damytý maqsatynda 2019 jyly kvazimemlekettik sektor sýbektilerine nemese olarmen úlestes zańdy tulǵalarǵa jatpaityn 5 500 kompaniia men uiymǵa 712 mlrd teńge somasynda qoldaý kórsetildi.
Holdingtiń otandyq eksporttaýshylardy qoldaýynyń arqasynda ótken jyldyń qorytyndysy boiynsha eksport kólemi 1 trln teńgeden asty (2018 jyly – 750 mlrd teńgeden asqan).
Sonymen qatar otyrysta «Báiterek» UBH» AQ-nyń 2020 jyldyń ekinshi toqsanyndaǵy táýekelderi jónindegi esebi bekitildi.
