قر پرەمەر-مينيسترٸ اسقار ماميننٸڭ تٶراعالىعىمەن ٶتكەن «بەيتەرەك» ۇلتتىق باسقارۋشى حولدينگٸ» اق ديرەكتورلار كەڭەسٸنٸڭ وتىرىسىندا حولدينگتٸڭ 2019 جىلعى ينۆەستيتسييالىق ساياساتى مەسەلەسٸ قارالدى, دەپ حابارلايدى "ۇلت اقپارات".
2019 جىلى «بەيتەرەك» حولدينگٸنٸڭ ەنشٸلەس ۇيىمدارى ەكونوميكانىڭ شيكٸزاتتىق ەمەس سالالارىنىڭ كەسٸپورىندارىنا جالپى سوماسى 839 ملرد تەڭگەگە قولداۋ كٶرسەتتٸ. ٶتكەن جىلمەن سالىستىرعاندا قارجىلىق قولداۋ كٶلەمٸ 123,8 ملرد تەڭگەگە نەمەسە 17%-عا ۇلعايدى.
ەكونوميكانىڭ جەكە سەكتورىن دامىتۋ ماقساتىندا 2019 جىلى كۆازيمەملەكەتتٸك سەكتور سۋبەكتٸلەرٸنە نەمەسە ولارمەن ٷلەستەس زاڭدى تۇلعالارعا جاتپايتىن 5 500 كومپانييا مەن ۇيىمعا 712 ملرد تەڭگە سوماسىندا قولداۋ كٶرسەتٸلدٸ.
حولدينگتٸڭ وتاندىق ەكسپورتتاۋشىلاردى قولداۋىنىڭ ارقاسىندا ٶتكەن جىلدىڭ قورىتىندىسى بويىنشا ەكسپورت كٶلەمٸ 1 ترلن تەڭگەدەن استى (2018 جىلى – 750 ملرد تەڭگەدەن اسقان).
سونىمەن قاتار وتىرىستا «بەيتەرەك» ۇبح» اق-نىڭ 2020 جىلدىڭ ەكٸنشٸ توقسانىنداعى تەۋەكەلدەرٸ جٶنٸندەگٸ ەسەبٸ بەكٸتٸلدٸ.
