Foto: ©REUTERS
"Báiterek" ulttyq basqarýshy holdingi "Sberbank Qazaqstandy" satyp alý boiynsha kelissóz júrgizip jatyr. Aqparatty Qarjy naryǵyn retteý jáne damytý agenttiginiń tóraiymy Mádina Ábilqasymova rastady, - dep habarlaidy Tengrinews.kz.
Onyń aitýynsha, "Sberbank Qazaqstandy" satý týraly sheshimdi "Sberbank Resei" JAQ sanktsiialyq shekteýlerge bailanysty qabyldaǵan.
"Shynynda da, qazir "Sberbank Qazaqstandy" satý máselesi talqylanyp jatyr. Bul - "Sberbank Resei" JAQ-tyń enshiles uiymy. Reseide bul bankke sanktsiia salynǵandyqtan, bank sheteldik valiýtalarda operatsiia jasai almaidy. Sheteldik korrespondent-bankterdegi shottary jabylyp, jańa qarjylandyrýdy tartý múmkindigi shekteýli. Osyǵan bailanysty "Sberbank Resei" óziniń enshiles uiymyn Qazaqstanda satý týraly sheshim qabyldady jáne qazirgi ýaqytta "Báiterek" holdingimen bankti satý týraly tiisti kelissóz júrgizilip jatyr", -dedi Ábilqasymova.
