«Báiterek» ulttyq basqarýshy holdingi» AQ qurylymy ońtailandyryldy. Bul málimetti Ulttyq ekonomika ministrligi jariialady, dep habarlaidy QazAqparat.
«Memleket basshysynyń tapsyrmasyn oryndaý sheńberinde «Báiterek» UBH» AQ 25 shildede «QazAgroQarjy» AQ (QAQ) aktsiialarynyń 100%-yn «Agrarlyq nesie korporatsiiasy» AQ-ǵa (ANK) berdi. «Báiterek» UBH» AQ enshiles kompaniialarynyń jalpy sany 7-ge deiin qysqartyldy.
QAQ ANK-niń enshiles kompaniiasyna ainalyp, aýyl sharýashylyǵy tehnikasy men jabdyqtaryn lizingke berý boiynsha óziniń negizgi qyzmetin jalǵastyrady. Júrgizilgen uiymdastyrýshylyq ózgerister QAQ-tyń qazirgi klientterine jáne iske asyrylatyn lizingtik baǵdarlamalardyń sharttaryna áser etpeidi», - delingen ministrlik habarlamasynda.
