Baiqońyr ǵarysh ailaǵynda 2020 jylǵy ushyrylymdarǵa daiyndyq júrip jatyr, – dep habarlaidy «Roskosmostyń» baspasóz qyzmeti.
Ǵarysh ailaǵyna ushý aldynda daiyndyq júrgizý úshin «Soiýz MS-16» basqarylatyn ǵarysh kemesi jetkizildi. Reseidiń zymyran-ǵarysh salasyndaǵy kásiporyn mamandary ony vagonnan túsirip, ushý kemesin qabyldap alý úshin jáne ony saqtaý úshin montaj-synaq ǵimaratyna qoidy.
Basqarylatyn keme tehnikalyq keshende saqtalmaq. «Soiýz MS-16» kóliktik basqarylatyn kemesi Halyqaralyq ǵarysh stansasynan kezekti 63/64-shi negizgi ekspeditsiiamen birge 2020 jyldyń 9 sáýirinde ushyrylady dep josparlanyp otyr.
63/64 HǴS quramyna reseilik Nikolai Tihonov, Andrei Babkin jáne amerikalyq Kris Kessidi, olardyń dýbleri reseilik ǵaryshkerler Anatolii Ivanishin men Ivan Vagner, sondai-aq amerikalyq astronavt Stiven Boýen bekitildi. Ekipajdar Baiqońyrǵa ádettegidei ushýǵa eki apta qalǵan kezde keledi.
