Jiynda turǵyn úi qurylysy, gazdandyrý, sýmen jabdyqtaý jáne káriz júielerin jańǵyrtý, joldar men turǵyn úilerdi jóndeý, uzaq merzimdi damý baǵdarlamasy aiasynda qala turǵyndaryna jaily jaǵdai jasaý máseleleri talqylandy.
Baiqońyr qalasyn damytý máselelerine arnalǵan jiynǵa oblys ákimi Qyrymbek Kósherbaev, Qazaqstan Respýblikasy Prezidenti Ákimshiliginiń memlekettik inspektory Nurlan Tileshev, Qazaqstan Respýblikasy Qorǵanys jáne aeroǵarysh ónerkásibi ministrliginiń qyzmetkerleri, oblystyq jáne aýdandyq máslihattyń depýtattary, Baiqońyr qalasy, Tóretam men Aqai eldimekenderiniń qoǵamdyq birlestikteriniń ókilderi men kásipkerleri, memlekettik organdardyń jáne qarjy institýttarynyń basshylary, «Roskosmos» jáne «TsENKI» memlekettik korporatsiialary bólimsheleriniń basshylary qatysty.
Qarmaqshy aýdanyna issapary barysynda aimaq basshysy Qyrymbek Kósherbaev Baiqońyr qalasynyń birqatar áleýmettik nysandaryn, atap aitqanda, qurylysy júrip jatqan kópqabatty úiler, gazdandyrylǵan áleýmettik nysandar, Qazaqstan azamattary úshin meditsinalyq uiymdar men demalys ornynyń jumysymen tanysty.
«Memleket basshylarynyń tapsyrmasyn oryndaý barysynda ǵarysh ailaǵyn jáne Baiqońyr qalasynyń damýyn qamtamasyz etý úshin kóptegen jumystar atqarylýda. Sonyń biri «Báiterek» birlesken zymyran keshenin qurý boiynsha jumystar júrgizilýde. Baiqońyrǵa úshinshi eldiń investitsiiasyn tartý maqsatynda Qazaqstan, Resei jáne Birikken Arab Ámirlikteri «Soiýz» ǵarysh ortalyǵyn jańǵyrtý arqyly №1 alańda ǵarysh zymyran keshenin qurý máselesin sheshý úshin birlesken jumys tobyn qurdy», - dedi kezdesýdi ashqan aimaq basshysy.
«Baiqońyrdy damytýdyń ózekti máselelerin sheshý úshin bekitilgen Uzaq merzimdi damý baǵdarlamasynyń aiasynda turǵyn úi qurylysy, gazdandyrý, sýmen jabdyqtaý jáne káriz júielerin jańǵyrtý, joldar men turǵyn úilerdi jóndeý, turǵyndar úshin jaily jaǵdai jasaý jobalaryn júzege asyrylýda. Búgin biz josparlarymyz qalai júzege asyrylyp jatqanyn, úkimetaralyq komissiianyń aldaǵy kezdesýinde qandai máselelerdi qarastyratynymyzdy talqylaý úshin jinaldyq », - dedi oblys ákimi.
Baiqońyrda uzaq merzimdi baǵdarlamany iske asyrý boiynsha aýqymdy jumystar júrgizilip jatqanyn, degenmen, qala biýdjeti barlyq máselelerdi júieli túrde sheshý úshin jetkiliksiz ekenin aimaq basshysy atap ótti. Resei Federatsiiasyna qarasty degen qalanyń zańnamalyq erekshe mártebesi áleýmettik jobalardy qarjylandyrýǵa múmkindik bermeidi.
«Baiqońyr Qyzylorda oblysynyń ákimshilik-aýmaqtyq birligi bolmaǵandyqtan, qalanyń damý shyǵyndary oblystyq biýdjettiń negizgi shyǵyndaryna kirmeidi. Bul máseleniń mańyzdylyǵyn eskere otyryp, jergilikti biýdjetten airyqsha jaǵdailarda biz turǵyn úi qurylysyn damytýǵa, sondai-aq, qalanyń sý jáne káriz jelilerin jańǵyrtý men qaita qurýdyń tehnikalyq-ekonomikalyq negizdemesin ázirleýge qarjy bóldik. Qalany damytý úshin respýblikalyq biýdjetten qarajat ta bir ret bólinedi», - dedi aimaq basshysy.
Sonymen qatar, Baiqońyrdyń úzdiksiz damýy úshin turaqty qarjylandyrý qajet. Sol sebepti, qalany abattandyrýdy qarjylandyrýdyń negizgi kózderin anyqtaý qajettigin oblys basshysy atap ótti.
Osyǵan orai, oblystyq ekonomika jáne biýdjettik josparlaý basqarmasyna Qarjy, Ulttyq ekonomika, Qorǵanys jáne aeroǵarysh ónerkásibi ministrlikterimen Baiqońyr qalasynyń damýyn qarjylandyrý úshin bólek biýdjettik baǵdarlama qurý jáne QR-nyń biýdjetine áleýmettik-ekonomikalyq salada ǵarysh ailaǵyn jalǵa alý úshin jyl saiyn Resei Federatsiiasynan tólenetin qarajattyń bóligin Baiqońyr qalasynyń, Tóretam men Aqai eldi mekenderiniń áleýmettik-ekonomikalyq damýy úshin bólip berý máselesi boiynsha jumys júrgizý tapsyryldy.
«Tóretam men Aqaidyń damýyn qamtamasyz etý arqyly biz Baiqońyr qalasyn damytamyz, sebebi, keleshekte bul eldi mekender qalanyń shaǵyn aýdandaryna ainalady», - dedi aimaq basshysy.
Eske salaiyq, aǵymdaǵy jyldyń shilde aiyndaǵy issapar barysynda QR Premer-Ministriniń orynbasary Asqar Mamin D.O. Rogozinmen reseilik jáne qazaqstandyq taraptardyń qalany damytýdy qarjylandyrý máselesin naqtylaý qajettigi týraly máseleni kótergen bolatyn.
«Baiqońyr» ǵarysh ailaǵynda birlesken ǵaryshtyq jobalardy júzege asyrý týraly Aeroǵarysh komiteti tóraǵasynyń orynbasary Ǵalymjan Danbaev sóz sóiledi. Sondai-aq, memlekettik organdardyń basshylary Baiqońyr qalasyn abattandyrý, onyń turǵyndaryn jumyspen qamtý jáne buqaralyq kásipkerlikti damytý boiynsha júrgizilip jatqan jumystar týraly baiandady.
Eske salaiyq, birlesken «Báiterek» Qazaqstan-Resei jobasy 2022 jyly júzege asyrylady, qazirgi tańda qarqyndy jumystar júrgizilip jatyr. Sondai-aq, Baiqońyr kesheninde meditsina týraly kelisimge ózgertýler engizý, jer ýchaskelerin biznes-jobalardy iske asyrý úshin jalǵa berý jáne Tóretam jáne Aqai eldimekenderin damytý máseleleri boiynsha hattamalarǵa qol qoiyldy. Aita keteiik, qala ákimshiligi «Roskosmos» korporatsiiasynyń qoldaýymen qala aýmaǵyn abattandyrý, joldardy jóndeý, turǵyn úilerdi gazdandyrý jumystaryn bastady. Óz kezeginde oblys ákimdigi Úkimettiń qoldaýymen 5 kóp páterli úidiń qurylysyn bastady, sý qubyry men káriz júiesin kommýnaldyq menshikke qabyldap, olardy jetildirýge bailanysty tehnika-ekonomikalyq negizdemelerin daiyndap, qazaqstandyq mektepter men emhanalardy kógildir otynmen jabdyqtady. Sondai-aq, osyǵan deiin Baiqońyrdaǵy 5 mektep bitirýshileri UBT-ny tapsyrýda qiyndyqtar oryn almaýy úshin qazaqstandyq bilim berý standartyna kóshken bolatyn.
Kezdesý qorytyndysy boiynsha oblys ákimi Qarmaqshy aýdanynyń ákimdigine oblystyq ekonomika jáne biýdjettik josparlaý basqarmasymen birlesip, Tóretam jáne Aqai eldimekenderin, naqtyraq aitsaq, injenerlik infraqurylym men turǵyn úi qurylysyn damytýǵa, joldardy jóndeýge, elektrmen jabdyqtaýǵa, gazdandyrýǵa t.b. damytý sharalaryna arnalǵan Jol kartasyn ázirleýdi tapsyrdy. Sondai-aq buqaralyq kásipkerlikti damytý men jobalardy iske asyrýdy qoldaý jónindegi sharalardy qarastyrý júkteldi.
