Foto: Grigorii Sysoev/RIA Novosti
Tsifrlyq damý, innovatsiialar jáne aeroǵarysh ónerkásibi vitse-ministri Málik Oljabekov Baiqońyr ǵarysh ailaǵyn jalǵa alý aqysyn kóterýge qatysty pikir bildirdi, dep habarlaidy Sputnik Qazaqstan.
Baiqońyrdy jalǵa alý kelisimsharty 1994 jyly rásimdelgen bolatyn. Artynan qujat merzimi 2050 jylǵa deiin uzartyldy.
"Búginde jalǵa alý aqysy jylyna 115 million dollardy quraidy. Eger infliatsiia máselesine toqtalsaq, tólem dollarmen jasalatynyn eskerý kerek. Ulttyq valiýtamen tólengen kúnniń ózinde sol kúngi dollardyń baǵamy eskeriledi. Sondyqtan teńgemen alatyn bolsaq, ǵarysh ailaǵyn jalǵa alý aqysy 1994 jyldan beri aitarlyqtai ósti. Sebebi dollar baǵamy ósti. 1994 jylǵy 115 million men búgingi 115 million dollar - eki túrli somma", - dedi Oljabekov jýrnalisterge bergen suhbatynda.
Vitse-ministrdiń aitýynsha, Qazaqstan jalǵa alý aqysyn alyp qana qoimai, Baiqońyr ǵarysh ailaǵynda zymyran ushyrý jumystaryna da qatysady. Osylaisha, óz mamandarymyz tájiribe jinaqtap, jańa tehnologiialardy meńgeredi.
"Biz ekologiialyq jaǵdaidy da baqylap otyramyz. Zymyran ushyrýǵa daiyndyq jumystaryna atsalysamyz", - dep atap kórsetti Oljabekov.
