Foto: JITsDM
30 sáýir 23:00-de Baiqońyr ǵarysh ailaǵynan "Cuńqar" ("Soiýz-5") zymyran-tasyǵyshy synaq barysynda birinshi ret ushyryldy. Bul týraly Qazaqstan jasandy intellekt jáne tsifrlyq damý ministrligi habarlady.
Buǵan deiin "Suńqardyń" ushyrylýy 27 naýryzǵa, odan keiin 4 sáýirge belgilenip, biraq keiinge shegerilgen.
Vedomstvonyń málimetinshe, "Suńqar" ushý-konstrýktorlyq synaq aiasynda "Báiterek" ǵarysh kesheniniń 45-ailaǵynan ushyrylǵan. Ministrlik zymyran synaǵyn "tarihi oqiǵa" dep atap, Qazaqstannyń ǵarysh salasyna atsalysýyna jańa múmkindikter ashady dedi.
"Suńqar" ("Soiýz-5") degen qandai zymyran?
"Suńqar" ("Soiýz-5") – Resei men Qazaqstannyń ortasha aýyr eki satyly zymyran. Reseidiń "Progress" kesheninde jasalǵan. Bul zymyrandy jasaýdy Resei 2015 jyly bastaǵan. Alǵashqy synaǵy 2017 jyly ótýi kerek edi, biraq birneshe ret keiinge qalǵan.
"Báiterek" degen qandai joba?
2004 jyly Resei jáne Qazaqstan prezidentteri Baiqońyrda "Báiterek" zymyran-ǵarysh keshenin salý týraly kelisimge qol qoidy. Kelisim boiynsha, Astana Baiqońyrdaǵy infraqurylymdy jańartyp, al Máskeý kommertsiialyq maqsatta paidalanýǵa jaraityn zymyran daiyndap shyǵarýy kerek edi. Jobanyń quny 223 mln dollar bolady dep aityldy, keiin bul soma jeti ese ósti.
