فوتو: جيتسدم
30 سەۋٸر 23:00-دە بايقوڭىر عارىش ايلاعىنان "Cۇڭقار" ("سويۋز-5") زىمىران-تاسىعىشى سىناق بارىسىندا بٸرٸنشٸ رەت ۇشىرىلدى. بۇل تۋرالى قازاقستان جاساندى ينتەللەكت جەنە تسيفرلىق دامۋ مينيسترلٸگٸ حابارلادى.
بۇعان دەيٸن "سۇڭقاردىڭ" ۇشىرىلۋى 27 ناۋرىزعا, ودان كەيٸن 4 سەۋٸرگە بەلگٸلەنٸپ, بٸراق كەيٸنگە شەگەرٸلگەن.
ۆەدومستۆونىڭ مەلٸمەتٸنشە, "سۇڭقار" ۇشۋ-كونسترۋكتورلىق سىناق اياسىندا "بەيتەرەك" عارىش كەشەنٸنٸڭ 45-ايلاعىنان ۇشىرىلعان. مينيسترلٸك زىمىران سىناعىن "تاريحي وقيعا" دەپ اتاپ, قازاقستاننىڭ عارىش سالاسىنا اتسالىسۋىنا جاڭا مٷمكٸندٸكتەر اشادى دەدٸ.
"سۇڭقار" ("سويۋز-5") دەگەن قانداي زىمىران?
"سۇڭقار" ("سويۋز-5") – رەسەي مەن قازاقستاننىڭ ورتاشا اۋىر ەكٸ ساتىلى زىمىران. رەسەيدٸڭ "پروگرەسس" كەشەنٸندە جاسالعان. بۇل زىمىراندى جاساۋدى رەسەي 2015 جىلى باستاعان. العاشقى سىناعى 2017 جىلى ٶتۋٸ كەرەك ەدٸ, بٸراق بٸرنەشە رەت كەيٸنگە قالعان.
"بەيتەرەك" دەگەن قانداي جوبا?
2004 جىلى رەسەي جەنە قازاقستان پرەزيدەنتتەرٸ بايقوڭىردا "بەيتەرەك" زىمىران-عارىش كەشەنٸن سالۋ تۋرالى كەلٸسٸمگە قول قويدى. كەلٸسٸم بويىنشا, استانا بايقوڭىرداعى ينفراقۇرىلىمدى جاڭارتىپ, ال مەسكەۋ كوممەرتسييالىق ماقساتتا پايدالانۋعا جارايتىن زىمىران دايىنداپ شىعارۋى كەرەك ەدٸ. جوبانىڭ قۇنى 223 ملن دوللار بولادى دەپ ايتىلدى, كەيٸن بۇل سوما جەتٸ ەسە ٶستٸ.
