Baiqońyr politseileri adam ólimi bolǵan atys týraly áleýmettik jelidegi aqparatqa pikir bildirdi, - dep habarlaidy Tengrinews.kz agenttigi.
Instagram jelisindegi PravdaBaykonura-paraqshasynda Arbat pen Damansk aýdandarynyń jastary pyshaq jáne atys qarýyn qoldanyp, bir-birimen tóbelesip jatqany týraly jazba paida boldy.
"3 qyrkúiekke qaraǵan túni Arbat aýdany, Korolev kóshesi, 37-úige jigitter eki ret oq atqan. Oq sol úiden aýlaǵa temeki shegýge shyqqan adamǵa tigen. Ol alǵan jaraqattarynan sol jerde qaza boldy", - dep jazylǵan basylymda.
Sondai-aq, reseilik politseilerdiń qazaqstandyq politsiiamen birlese jumys isteitini aitylǵan. Avtordyń aitýynsha, oqiǵa ornyna "Baiqońyr" keshenindegi ishki ister basqarmasynyń bastyǵy Kýzminniń ózi kelgen.
"Atysqa qatysy bar degen eki adam ustaldy. Qala qorshaýǵa alyndy, qalanyń baqylaý-ótkizý beketteri jabyldy. Barlyq politsiia qyzmetkerine eskertý jasaldy. Qala kóshelerinde kúdikti kólikterdiń barlyǵyn ustai bastady!" – dedi post avtory.
8 qyrkúiekte óńirlik kommýnikatsiialar qyzmetinde ótken brifingte Qyzylorda oblysy prokýratýrasynyń basshysy, zań keńesshisi Batyrbek Nurmaǵanbetov pen oblystyq Politsiia departamenti tergeý basqarmasy bastyǵynyń orynbasary, politsiia podpolkovnigi Ashat Muhtaruly aqparatty jartylai rastady jáne qaiǵyly oqiǵa 2 qyrkúiekte Baiqońyr qalasynda bolǵany aitylǵan.
"Jedel aqparat boiynsha, tóbeles "Arbat" pen "Damansk" toptarynyń basshylary arasyndaǵy kikiljiń saldarynan bolǵan. 31 tamyzda saǵat 23:30 shamasynda Baiqońyr qalasyndaǵy kópqabatty turǵyn úidiń aýlasynda belgisiz azamattar eki er adamǵa birneshe ret oq atqan, sonyń saldarynan zardap shekkender túrli dene jaraqattarymen aýrýhanaǵa jetkizilgen", - delingen habarlamada.
Osy fakt boiynsha, 1 qyrkúiekte Resei Federatsiiasy Ishki ister ministrliginiń "Baiqońyr" kesheni boiynsha departamenti RF Qylmystyq kodeksiniń 111-baby 3-bóligi b tarmaǵy ("Eki nemese odan da kóp adamnyń densaýlyǵyna qasaqana aýyr ziian keltirý") boiynsha tergeý amaldary júrgizilip jatyr. Kúdiktiler anyqtalmaǵan.
"Sonymen qatar, 3 qyrkúiekke qaraǵan túni saǵat 00:30 shamasynda Baiqońyr qalasyndaǵy kópqabatty úidiń aýlasynda belgisiz bireýler kólikpen kele jatyp, atys qarýynan 33 jastaǵy er adamdy atyp ketken, saldarynan ol oqiǵa ornynda qaza tapqan. Fakt boiynsha RF Ishki ister ministrliginiń "Baiqońyr" kesheni boiynsha departamenti RF Qylmystyq kodeksiniń 105-baby 1-bóligi ("Adam óltirý") boiynsha tergeý júrgizip jatyr. Jedel-izdestirý is-sharalarynyń nátijesinde atalǵan qylmysqa qatysy bar jergilikti turǵyn anyqtaldy. 4 qyrkúiekte ol Resei Federatsiiasy IIM "Baiqońyr" kesheni boiynsha departamentiniń ýaqytsha ustaý izoliatoryna qamaldy. Qylmystyq-protsestik kodekstiń 201-babyna sáikes ózge málimet jariia etýge jatpaidy", - dedi olar.
