Baiqońyrda ǵarysh ailaǵy alańynan mys ónimderin urlaǵandar ustaldy, - dep habarlaidy "Ult aqparat".
Politsiiaǵa Baiqońyr ǵarysh aimaǵynyń alańynan 30 kelige jýyq mys ónimderiniń urlanǵandyǵy jóninde aryz tústi. Politseiler dereý jedel-izdestirý jumystaryna kiristi. Atalǵan urlyqty jasaýǵa kúdikti retinde Baiqońyr qalasynyń eki turǵynyn ustady.
«Olarǵa qatysty QR Qylmystyq kodeksiniń 188-babynyń 2-bóligimen (Urlyq) sotqa deiingi tergep-tekserý amaldary bastaldy. Politseiler kúdiktilerdiń osyǵan uqsas basqa da qylmystarǵa qatystylyǵyn tekserip jatyr», - dep málim etti Qyzylorda oblystyq politsiia departamentiniń baspasóz qyzmeti.
