بايقوڭىردا عارىش ايلاعى الاڭىنان مىس ٶنٸمدەرٸن ۇرلاعاندار ۇستالدى, - دەپ حابارلايدى "ۇلت اقپارات".
پوليتسيياعا بايقوڭىر عارىش ايماعىنىڭ الاڭىنان 30 كەلٸگە جۋىق مىس ٶنٸمدەرٸنٸڭ ۇرلانعاندىعى جٶنٸندە ارىز تٷستٸ. پوليتسەيلەر دەرەۋ جەدەل-ٸزدەستٸرۋ جۇمىستارىنا كٸرٸستٸ. اتالعان ۇرلىقتى جاساۋعا كٷدٸكتٸ رەتٸندە بايقوڭىر قالاسىنىڭ ەكٸ تۇرعىنىن ۇستادى.
«ولارعا قاتىستى قر قىلمىستىق كودەكسٸنٸڭ 188-بابىنىڭ 2-بٶلٸگٸمەن (ۇرلىق) سوتقا دەيٸنگٸ تەرگەپ-تەكسەرۋ امالدارى باستالدى. پوليتسەيلەر كٷدٸكتٸلەردٸڭ وسىعان ۇقساس باسقا دا قىلمىستارعا قاتىستىلىعىن تەكسەرٸپ جاتىر», - دەپ مەلٸم ەتتٸ قىزىلوردا وبلىستىق پوليتسييا دەپارتامەنتٸنٸڭ باسپاسٶز قىزمەتٸ.
