Parlament Senaty Halyqaralyq qatynastar, qorǵanys jáne qaýipsizdik komitetiniń keńeitilgen otyrysynda «1995 jylǵy 23 jeltoqsandaǵy Qazaqstan Respýblikasy men Resei Federatsiiasy arasyndaǵy Baiqońyr qalasynyń mártebesi jáne ondaǵy atqarýshy ókimet organdaryn qurýdyń tártibi men olardyń mártebesi týraly kelisimge ózgeris engizý týraly hattamany ratifikatsiialaý týraly» zań jobasy qaraldy.
Hattamaǵa 2016 jylǵy 26 jeltoqsanda Sankt-Peterbýrg qalasynda qol qoiylǵan bolatyn.
Baiqońyr qalasynda jumys isteitin Qazaqstan Respýblikasynyń memlekettik organdarynyń tizbesine Qazaqstan Respýblikasynyń 10 memlekettik organynyń bólimshelerin qosymsha engizý osy Hattamanyń máni bolyp tabylady. Osylaisha, Baiqońyr qalasynda Qazaqstan Respýblikasynyń 18 memlekettik organy jumys isteitin bolady.
Atap aitqanda, «Baiqońyr» kesheni jalǵa berilgen kezeńde Baiqońyr qalasynda jumys istep turǵan memlekettik organdardyń tizbesi Qazaqstan Respýblikasynyń qorshaǵan ortany qorǵaý salasyndaǵy ýákiletti organynyń, Qazaqstan Respýblikasy Ádilet ministrliginiń, Ulttyq qaýipsizdik komitetiniń, Ulttyq qaýipsizdik komiteti Shekara qyzmetiniń, Qarjy ministrligi Qazynashylyq komitetiniń bólimsheleri siiaqty organdarmen jáne basqalarymen tolyqtyrylǵan bolatyn.
Hattama kúshine engende «Baiqońyr» kesheni boiynsha eki memlekettiń arasyndaǵy strategiialyq áriptestikti jáne ekijaqty yntymaqtastyqty odan ári nyǵaitýǵa yqpal etetin bolady.
«Hattamany qabyldaý azamattardyń konstitýtsiialyq quqyqtary men bostandyqtaryn júzege asyrýǵa oń áserin tigizedi, sondai-aq halyqqa barlyq qajetti qyzmetter men aqparatty ýaqytynda alýǵa múmkindik beredi», - dep atap ótti senator T.Musabaev.
Zań jobasy Palata qaraýyna jiberildi.
