Baiqońyr aýdanyn qaita jańǵyrtý, iaǵni renovatsiia aiasynda eski úilerdi súrip, jańa turǵyn úi qoryn qalyptastyrý jumystarynyń ekinshi kezeńi bastaldy, dep habarlaidy elorda ákimdiginiń resmi saity.
Alǵashqy kezeńinde: jyl basynan beri Baiqońyr aýdany boiynsha tozyǵy jetken úilerdi súrý, ondaǵy turǵyndardy jańa úige kóshirý aiasynda investor tartý boiynsha aýqymdy jumystar júrgizilgen bolatyn.
Birinshi kezeńniń nátijesi boiynsha birqatar iri qurylys kompaniiamen kelisimder jasalǵan bolatyn.
Búgingi kúni sol qurylys kompaniialarymen renovatsiia aiasynda úilerdi súrý bastaldy.
Máselen, «BI-Group» kompaniiasymen tozyǵy jetken úilerdi súrýmen birge 4,3 ga jer tańdap alyndy. Qazirgi ýaqytta eski úilerdiń jarty bóligi satyp alyndy, ornyna jańa zamanaýi turǵyn úi kesheniniń qurylys jumystary júrgiziletin bolady. Búgingi kúni atalǵan ýchaskelerde qorshaýlar qoiý bastaldy, al qurylys-montajdaý jyl sońyna josparlanyp otyr.
Ári qarai «Moi dom», «GBG», «Orda invest», «Galamat» sekildi taǵy da basqa kompaniialarmen jumys jalǵasatyn bolady.
Jalpy baǵdarlama aiasynda bas josparǵa sáikes Baiqońyr aýdany aýmaǵynda 865 jeke turǵyn úi súrilip, ornyna:
- - 96 kópqabatty turǵyn úi;
- - 3 mektep, 10 balabaqsha,
- - 4 meditsina ortalyǵy, 5 shaǵyn emhana;
- - 21 biznes jáne kásipkerlik nysandary;
- - 3 qoǵamdyq keńistik;
- - 5 dene shynyqtyrý-saýyqtyrý kesheni men 2 mádeniet nysanyn jailastyrý josparlaýda.
Aita keteiik, renovatsiia aiasynda aýdan boiynsha barlyǵy 290 gektar jer tańdap alynǵan bolatyn. Qazirgi ýaqytta atalmysh jumystar bastalǵan aýmaq osy ýchaskeniń 32 gektar aýmaǵyn quraidy.
