2021 jylǵy 8 qańtarda Soltústik Qazaqstan oblysy boiynsha Qazaqstannyń Azamattyq aliansy, «Áielder kúshteriniń Aliansy» QB, «SQO Isker áielder qaýymdastyǵy» QB, «Rýh. Til» QB, Soltústik Qazaqstan oblysynyń aýmaqtyq kásipodaqtar birlestigi ókilderiniń baqylaýshylary Petropavl qalasynyń aýmaǵyndaǵy sailaý ýchaskelerinde bolyp, 2021 jylǵy 10 qańtarda ótetin Qazaqstan Respýblikasy Parlamenti Májilisi men máslihattary depýtattarynyń sailaýyna ýchaskelerdiń daiyndyǵymen tanysty.
Oblysta baqylaýshylarmen úlken daiyndyq jumystary júrgizildi. Olardyń árqaisysy aldaǵy sailaý máseleleri boiynsha oqytýdan ótti. Oqytý "SQO Azamattyq Aliansy" ZTB-de ótkizildi.
Barlyq baqylaýshylarǵa ádistemelik materialdar (bloknot, baqylaýshynyń jadynamasy, baqylaýshynyń quqyqtary men mindetteri) berildi.
Bul jumystyń basty mindeti - daýys berý, qorytyndy shyǵarý rásimin qadaǵalaýshylar institýtyn qalyptastyrý, sailaý barysyna azamattyq qoǵamdyq baqylaýdy qamtamasyz etý.
