Reseilik energiia tasymaldaýshylaryna salynǵan tyiym qazaqstandyq munaidyń tranzitine áser etpeidi. Bul týraly Qazaqstandaǵy AQSh elshiliginiń baspasóz qyzmeti málimdedi, - dep habarlaidy Tengrinews.kz.
Aita keteiik, 8 naýryzda AQSh prezidenti Djo Baiden Reseidi ekonomikalyq resýrstardan aiyrý úshin, AQSh-qa Reseiden munai, suiytylǵan gaz jáne kómirdi importtaýǵa tyiym salatyn jarlyqqa qol qoiǵan bolatyn.
"Atalǵan jarlyq Kaspii Qubyr Konsortsiýmy (KQK) arqyly qazaqstandyq shiki munai saýdasyna tyiym salmaidy, óitkeni KQK taratý júiesi shiki munaidyń túrli kózderin bólip, Reseiden shyǵarylmaityn shiki munaidy bólek belgileýge jáne tiep jiberýge múmkindik bere alady. Importqa tyiym salý Resei Federatsiiasynan AQSh-qa belgili bir ónimderge qatysty", - delingen habarlamada.
