Memleket basshysy Qasym-Jomart Toqaevtyń atyna Naýryz merekesine orai Amerika Qurama Shtattarynyń Prezidenti Djo Baidenniń quttyqtaý jedelhaty kelip tústi, dep habarlaidy "Ult aqparat" Aqordaǵa silteme jasap.
"Biyl Qazaqstan Respýblikasy óz Táýelsizdiginiń 30 jyldyǵyn atap ótedi. Sizdi osy ataýly oqiǵamen quttyqtai otyryp, AQSh Prezidentiniń Ákimshiligi Ózińizben jáne Qazaqstan halqymen etene jumys isteýge zor mán beretinin aitqym keledi. Uzaq jyldar boiy biz iadrolyq qarýdy taratpaý, beibitshilik pen qaýipsizdikti nyǵaitý baǵytyndaǵy tyǵyz seriktesti qoldap kelemiz. Meniń Ákimshiligim strategiialyq seriktestigimizdi tereńdetýge jáne budan 5 jyl buryn Memlekettik hatshy Djon Kerridiń qatysýymen bastalǵan «S5+1» dialog protsesin jalǵastyrýǵa múddeli", – dep jazylǵan jedelhatta.
Naýryz merekesi qarsańynda Djo Baiden Qasym-Jomart Toqaevqa jáne Qazaqstan halqyna beibitshilik pen qut-bereke tiledi.
