Amerika ekonomikasyn koronavirýstyń keri áserinen qorǵaýǵa baǵyttalǵan quny 1,9 trln bolatyn qujattar paketine qol qoiǵannan keiin AQSh prezident Djo Baiden 11 naýryzda ulttyq telearnanyń praim-taim ýaqytynda halyqqa úndeý jasady. Koronavirýstyń pandemiia retinde jariialanýyna bir jyl tolǵan shaqta Aq úide sóilegen prezident 1 mamyrǵa deiin árbir eresek Amerika azamatynyń vaktsina alýyna múmkindigi bolady dep málimdedi. 4 shilde - Táýelsizdik kúni merekesine deiin eldiń qalypty tirshilikke oralýyna kúsh salamyz dedi ol.
Baiden jarty millionnan astam adamnyń ólimine sebepker bolǵan indetti aýyzdyqtaý úshin prezident ákimshiliginiń "soǵys jaǵdaiynda" qimyldap, úkimettiń bar kúsh-jigerdi soǵan jumsaitynyn atap ótti. Onyń sózine qaraǵanda, vaktsinatsiiany jyldamdatý úshin bilik koronavirýsqa qarsy ekpeni meditsinalyq ortalyqtar, dárihana, mobildi oryndardan da alatyndai jaǵdai jasaidy. Prezident vaktsinatsiia kampaniiasyna kómektesetin áskeriler sanyn 6 myńǵa jetkizýdi de josparlap otyrǵanyn aitty. Buǵan qosa, ekpeni stomatolog, medbike, meditsina ýniversitetiniń stýdenti, veterinar sala alatyndai amaldar qarastyrylatynyn jetkizdi.
Beisenbi kúni prezident ekonomikany saýyqtyrýǵa baǵyttalǵan quny 1,9 trln dollarlyq qujattar paketine qol qoiǵan. Baiden ákimshiligi bul zań árbir amerikalyqqa koronavirýs daǵdarysynan qutylýǵa kómektesýi tiis dep sanaidy.
