AQSh prezidenti men Ýkrainanyń eki ministriniń kezdesýi. 26 naýryz 2022 jyl.
AQSh prezidenti Djo Baiden 26 naýryzda Varshavada Ýkrainanyń syrtqy ister ministri Dmitrii Kýleba jáne qorǵanys ministri Aleksei Reznikovpen kezdesti, dep habarlaidy Azattyq.
Kezdesýge sonymen birge AQSh memlekettik hatshysy Entoni Blinken, Pentagon basshysy Lloid Ostin qatysty. Bul - Resei Ýkrainaǵa basyp kirgeli beri Amerika men Ýkrainanyń joǵary laýazymdy tulǵalary arasynda ótken alǵashqy kezdesý.
Aleksei Reznikovtyń Twitter'degi jazbasyna qaraǵanda, kezdesý barysynda taraptar saiasi jáne qorǵanys salasyndaǵy áriptestikti nyǵaitý máselesin talqylaǵan.
Senbi kúni sál keshirek Baiden AQSh pen odaqtastarynyń Ýkrainaǵa kómegi jóninde sóz sóileidi. Buǵan deiin Aq úi Baiden "erkin álemniń" Resei basqynshylyǵyna qarsylyǵy jóninde aitady dep málimdegen.
