AQSh prezidenti Djo Baiden, Frantsiia prezidenti Emmanýel Makron jáne Germaniia kantsleri Olaf Sholts úsh jaqty kelissóz nátijesinde Reseidiń DHR men LHR-dy tanýyna qatysty jaýap beretinin málimdedi, - dep habarlaidy Tengrinews.kz tilshisi Germaniia ministrler kabinetiniń saityna silteme jasap.
Bul týraly federal úkimettiń resmi ókili Shteffen Hebeshtrait málimdedi. Onyń aitýynsha, Germaniia, Frantsiia jáne AQSh basshylary Resei prezidentiniń sheshimin aiyptady.
"Kantsler Olaf Sholts AQSh prezidenti Djo Baiden jáne Frantsiia prezidenti Emmanýel Makronmen Resei prezidenti eki eldi - Donetsk pen Lýganskini resmi moiyndaǵannan keiin jaǵdaidyń nasharlaýy týraly sóilesti. Úsh suhbattaýshy da Reseidiń bul birjaqty áreketi anyq Minsk kelisimderin buzý ekenine kelisti", - delingen baspasóz habarlamasynda.
Kelissózder qorytyndysy boiynsha seriktester eldiń aýmaqtyq tutastyǵyn saqtaýǵa jáne shielenistiń aldyn alýǵa bar kúsh-jigerin salýǵa kelisti.
"Kantsler, AQSh prezidenti jáne Frantsiia prezidenti Ýkrainamen yntymaqtastyǵyn bildirdi jáne prezident Vladimir Zelenskii bastaǵan Ýkrainanyń osy ýaqytqa deiin jasaǵan saqtyq áreketin joǵary baǵalady. Áriptester Ýkrainanyń aýmaqtyq tutastyǵy men egemendigine qatysty mindettemelerin álsiretpeýge kelisti", - delingen habarlamada.
Eýropalyq Odaq Reseidiń DHR men LHR-dy moiyndaý sheshimine de reaktsiia bildirdi. Osylaisha, Eýroodaqtyń syrtqy saiasat jáne qaýipsizdik saiasaty jónindegi joǵarǵy ókili Jozep Borrel Reseige ózin-ózi jariialaǵan respýblikalardy tanýyna jaýap berýge ýáde berdi.
"Eki aýmaqty taný halyqaralyq quqyqty, Ýkrainanyń aýmaqtyq tutastyǵyn, sondai-aq Minsk kelisimderin óreskel buzý. EO jáne onyń seriktesteri buǵan Ýkrainamen yntymaqtastyqtyń belgisi retinde birlik, beriktik jáne sheshimdilikpen jaýap beredi", - dep jazdy Borrell Twitter-de.
Eske salaiyq, bir kún buryn Resei prezidenti Vladimir Pýtin DHR men LHR-dy taný týraly jarlyqqa qol qoiyp, Resei áskerine osy aýmaqtarda tynyshtyqty qamtamasyz etýdi tapsyrǵan bolatyn.
