اقش پرەزيدەنتٸ دجو بايدەن, فرانتسييا پرەزيدەنتٸ ەممانۋەل ماكرون جەنە گەرمانييا كانتسلەرٸ ولاف شولتس ٷش جاقتى كەلٸسسٶز نەتيجەسٸندە رەسەيدٸڭ دحر مەن لحر-دى تانۋىنا قاتىستى جاۋاپ بەرەتٸنٸن مەلٸمدەدٸ, - دەپ حابارلايدى Tengrinews.kz تٸلشٸسٸ گەرمانييا مينيسترلەر كابينەتٸنٸڭ سايتىنا سٸلتەمە جاساپ.
بۇل تۋرالى فەدەرال ٷكٸمەتتٸڭ رەسمي ٶكٸلٸ شتەففەن حەبەشترايت مەلٸمدەدٸ. ونىڭ ايتۋىنشا, گەرمانييا, فرانتسييا جەنە اقش باسشىلارى رەسەي پرەزيدەنتٸنٸڭ شەشٸمٸن ايىپتادى.
"كانتسلەر ولاف شولتس اقش پرەزيدەنتٸ دجو بايدەن جەنە فرانتسييا پرەزيدەنتٸ ەممانۋەل ماكرونمەن رەسەي پرەزيدەنتٸ ەكٸ ەلدٸ - دونەتسك پەن لۋگانسكٸنٸ رەسمي مويىنداعاننان كەيٸن جاعدايدىڭ ناشارلاۋى تۋرالى سٶيلەستٸ. ٷش سۇحباتتاۋشى دا رەسەيدٸڭ بۇل بٸرجاقتى ەرەكەتٸ انىق مينسك كەلٸسٸمدەرٸن بۇزۋ ەكەنٸنە كەلٸستٸ", - دەلٸنگەن باسپاسٶز حابارلاماسىندا.
كەلٸسسٶزدەر قورىتىندىسى بويىنشا سەرٸكتەستەر ەلدٸڭ اۋماقتىق تۇتاستىعىن ساقتاۋعا جەنە شيەلەنٸستٸڭ الدىن الۋعا بار كٷش-جٸگەرٸن سالۋعا كەلٸستٸ.
"كانتسلەر, اقش پرەزيدەنتٸ جەنە فرانتسييا پرەزيدەنتٸ ۋكراينامەن ىنتىماقتاستىعىن بٸلدٸردٸ جەنە پرەزيدەنت ۆلاديمير زەلەنسكيي باستاعان ۋكراينانىڭ وسى ۋاقىتقا دەيٸن جاساعان ساقتىق ەرەكەتٸن جوعارى باعالادى. ەرٸپتەستەر ۋكراينانىڭ اۋماقتىق تۇتاستىعى مەن ەگەمەندٸگٸنە قاتىستى مٸندەتتەمەلەرٸن ەلسٸرەتپەۋگە كەلٸستٸ", - دەلٸنگەن حابارلامادا.
ەۋروپالىق وداق رەسەيدٸڭ دحر مەن لحر-دى مويىنداۋ شەشٸمٸنە دە رەاكتسييا بٸلدٸردٸ. وسىلايشا, ەۋرووداقتىڭ سىرتقى ساياسات جەنە قاۋٸپسٸزدٸك ساياساتى جٶنٸندەگٸ جوعارعى ٶكٸلٸ جوزەپ بوررەل رەسەيگە ٶزٸن-ٶزٸ جارييالاعان رەسپۋبليكالاردى تانۋىنا جاۋاپ بەرۋگە ۋەدە بەردٸ.
"ەكٸ اۋماقتى تانۋ حالىقارالىق قۇقىقتى, ۋكراينانىڭ اۋماقتىق تۇتاستىعىن, سونداي-اق مينسك كەلٸسٸمدەرٸن ٶرەسكەل بۇزۋ. ەو جەنە ونىڭ سەرٸكتەستەرٸ بۇعان ۋكراينامەن ىنتىماقتاستىقتىڭ بەلگٸسٸ رەتٸندە بٸرلٸك, بەرٸكتٸك جەنە شەشٸمدٸلٸكپەن جاۋاپ بەرەدٸ", - دەپ جازدى بوررەلل Twitter-دە.
ەسكە سالايىق, بٸر كٷن بۇرىن رەسەي پرەزيدەنتٸ ۆلاديمير پۋتين دحر مەن لحر-دى تانۋ تۋرالى جارلىققا قول قويىپ, رەسەي ەسكەرٸنە وسى اۋماقتاردا تىنىشتىقتى قامتاماسىز ەتۋدٸ تاپسىرعان بولاتىن.
