AQSh-tyń sailanǵan, biraq áli qyzmetine kirispegen prezidenti Djo Baiden úkimettik mekemelerge jáne jeke kompaniialarǵa jasalǵan úlken kibershabýyldar týraly habarlamalar aiasynda kiberqaýipsizdikti «basty basymdyq» etýge nietti ekenin málimdedi, dep habarlaidy Bloomberg.
«Biz áli kóp nárseni bilmeimiz, degenmen qazir úlken alańdaýshylyq týyp otyr», – dedi Baiden óz málimdemesinde.
«Anyqtap aitar bolsam, ákimshiligim kiberqaýipsizdikti úkimettiń barlyq deńgeilerindegi basty basymdyqqa ainaldyrady. Biz bul zań buzýshylyqqa qarsy kúresti qyzmetke kiriskennen sátten basty basymdyqqa ainaldyramyz», – dedi ol.
Beisenbi kúni Kiberqaýipsizdik jáne infraqurylym qaýipsizdigi agenttigi kibershabýyldardy federaldy, shtattyq jáne jergilikti úkimetter úshin, sondai-aq mańyzdy infraqurylym nysandary men jeke sektor úshin «úlken qaýip» ekendigi málimdegen bolatyn. Agenttik hakerler jelilerge erekshe eptilikpen buzyp kirgen jáne olardy shyǵarý óte qiyn bolady dep málimdedi.
Jelige enýdiń osal tusy SolarWinds Corp kompaniiasynyń Orion baǵdarlamalyq jasaqtamasy bolǵan. Ony memlekettik qurylymdar men jeke sektor keńinen qoldanady.
Hakerler Orion baǵdarlamalyq jasaqtamasynan bólek, jelige ený úshin basqa ádisterdi de qoldanǵan delinin otyr.
