"Maimyl sheshek aýrynyń" virýsy anyqtalǵan elder qatary kóbeiip jatqan tusta AQSh prezidenti Djo Baiden "árbir azamat aýrýdyń taraýyna alańdaýy tiis" dep málimdedi.
"Ne isteý qajettigin túsinýge bar kúshimizdi salyp jatyrmyz" dedi ol 22 mamyr Ońtústik Koreiadan Japoniiaǵa barar aldynda.
Qazir "maimyl sheshek" virýsy anyqtalǵan elder qatary kóbeiip jatyr. Izrail men Grekiia da alǵashqy virýs anyqtalǵanyn habarlady.
Dúniejúzilik densaýlyq saqtaý uiymy álem boiynsha 80 adamnan "maimyl sheshek" virýsy anyqtalǵanyn, 50 adamnan aýrý belgileri tabylǵanyn málimdedi.
"Maimyl sheshek" aýrýymen bailanysty juqpaly aýrý osyǵan deiin ortalyq jáne batys Afrika elderinde ǵana anyqtalyp kelgen. Biraq jýyrda ol Ulybritaniia, Ispaniia, Portýgaliia, Italiia, AQSh, Shvetsiia, Kanada, Avstraliia jáne ózge elderden anyqtaldy.
Virýs primattar jáne ózge de jabaiy ańdardan taraǵan. Oǵan shaldyqqan adamnyń dene qyzýy kóterilip, denesi aýyryp, qaltyraidy. Aýrý ýshyqsa, adamnyń denesi men beti bórtip ketedi.
Adam ólimi 10 jaǵdaidyń birinde kezdesedi. Kóbine jas naýqastar arasynda ólim kóp. Ázirge maimyl sheshek aýrýynan emdeitin dári joq, biraq sheshek aýrýyna qarsy vaktsina virýstan qorǵaidy deidi dárigerler.
