Praimerizdiń birinshi kezeńiniń qorytyndysy boiynsha «Nur Otan»-nyń barlyq deńgeidegi máslihattar úshin partiialyq tizimderi 60 paiyzdan astam jańarady. «Nur Otan» partiiasy Tóraǵasynyń birinshi orynbasary Baýyrjan Baibek osylai málimdedi, dep habarlaidy "Ult aqparat".
«Osy aptada barlyq óńirdiń, qalalar men aýdandardyń ákimderi – partiiamyz filialdarynyń tóraǵalary partiiaishilik irikteý qorytyndysyn talqylap, qurmet gramotalaryn tabystaý úshin praimeriz qatysýshylarymen kezdesti.
Óz janyna 150-den astam belgili saiasattanýshy, qoǵam qairatker men jýrnalisti toptastyrǵan «Nur Otan» jaqtastarynyń ligasymen kezdesýde partiiaishilik sailaýdy uiymdastyrý barysyn baqylaýǵa airyqsha atsalysyp, aiqyndyǵy men ádil ótýin qamtamasyz etkeni úshin qoǵam belsendilerine alǵys aittym», dep jazdy Baýyrjan Baibek Facebook-tegi paraqshasynda.
Bas qosýda praimerizdiń birinshi kezeńiniń qorytyndysy egjei-tegjeili talqylanǵan.
«Jaqtastar ligasynyń aitýynsha, «Nur Otan» praimerizi – eldiń qoǵamdyq-saiasi ómirindegi eleýli oqiǵa. Bir jarym millionnan astam adamdy qamtyǵan kandidattar bir ai boiy pikirsaiystyń kórigin qyzdyryp, ideialary men jobalaryn tanystyrdy, el men qoǵam úshin mańyzy zor oilaryn ashyq aityp, kásibi, saiasi qabiletin shyńdady.
Júrgizilgen taldaýlarymyzǵa sáikes, tirkelgen 10 073 kandidattyń ishinde praimerizge barlyq deńgeidegi máslihattardyń 1410 qyzmettegi depýtaty qatysty. Olardyń 213-i partiiaishilik irikteýdiń birinshi kezeńinen óte almady. Iaǵni praimerizden máslihattardyń qyzmettegi depýtattarynyń úshten biri ǵana ótti», -dedi Baýyrjan Baibek.
Eń joǵary nátijege qol jetkizgen 500-den asa qatysýshy – volonterlar, kóp balaly analar, qarapaiym pedagogtar, dárigerler, kásiporyn qyzmetkerleri jáne basqalar.
«Bul rette, praimeriz partiia qataryna 42 myńnan astam jańa múshelerdi tartýǵa múmkindik berdi. Olardyń 1000-nan astamy partiiaishilik sailaýǵa qatysyp, árbir 4-si daýys berý qorytyndysy boiynsha eń joǵary reitingige ie boldy.
Osylaisha, praimerizdiń birinshi kezeńiniń qorytyndysy boiynsha «Nur Otan»-nyń barlyq deńgeidegi máslihattarǵa arnalǵan partiialyq tizimderi 60%-ten astam jańarady dep aitýǵa negiz bar.
Jalpy, praimerizdiń elimizde jańa saiasi mádeniettiń qalyptasýyna, jetekshi partiia qataryn jańartýǵa jáne oǵan jańa kóshbasshylar leginiń qosylýyna júielik negiz qalaǵany aityldy.
Osy oraida Jaqtastar ligasynyń qoldaýymen túrli tártip buzýshylyqtar men aila-amaldardyń der kezinde jolyn kesip, ashyqtyq pen aiqyndyqty qamtamasyz etkenimizdi atap óttim.
Sondai-aq, Jaqtastar ligasynyń 30-dan astam múshesi praimerizge qatysý úshin partiia qataryna kirdi. Daýys berý qorytyndysy boiynsha 6 adam óz qalasy men aýdanynda alǵashqy 10-dyqqa kirip, kelesi kezeńge ótti», - dedi Baýyrjan Baibek.
Onyń aitýynsha kezdesý barysynda qyzyqty da kreativti usynystar aitylǵan.
«Onyń ishinde partiia jumysyn odan ári jetildirý, Jaqtastar ligasyn institýtsionaldandyrý múmkindigi sekildi tyń usynystar bar.
Sonymen birge halyqtyń ózekti máselelerin sheshýge bailanysty jumylyp isteitin jumystardy jalǵastyrý jóninde de kelisimge keldik.
Jaqtastar ligasynda atap ótkendei, praimerizde «utylǵandar joq, bári de igilikke jetti. Eń aldymen bul is-shara elimiz úshin igilikti boldy!», - dedi ol.
.jpeg)