«Nur Otan» partiiasy Tóraǵasynyń Birinshi orynbasary Baýyrjan Baibek jumys saparymen Batys Qazaqstan oblysyna bardy. Sapar barysynda ol aimaqtyq partiia aktivimen kezdesti. Sondai-aq barlyq deńgeidegi máslihattardaǵy partiia fraktsiiasynyń jumysyn jandandyryp, partiia men fraktsiia arasyndaǵy ózara qarym-qatynasty kúsheitý kerektigin aitty. Odan bólek, partiia jergilikti jerlerde depýtattarmen birge Elbasynyń áleýmettik bastamalaryn, memlekettik bǵdarlamalardy jáne biýdjet qarajatyn jumsaýdyń ashyqtyǵyn qatań baqylaýǵa alýy tiis ekenine nazar aýdardy.
Partiia oblystyq filialynyń konferentsiiasynda Baýyrjan Baibek Memleket basshysy Qasym-Jomart Toqaevtyń Sailaýaldy tuǵyrnamasy qoǵam úshin biriktirýshi ról atqaryp, memlekettik apparatty sapaly ári tiimdi jumysqa jumyldyrý kerektigin de tilge tiek etti.
– Qazir partiia úshin eń mańyzdy másele – halyqtyń senimin arttyrý. Sondyqtan kún tártibindegi ózekti máselelerdi talqylaý isinde depýtattarmen qarym-qatynasty qaita qarap, kúsheitý kerek. Depýtattyq saýaldar halyqtyń alańdatqan asa ózekti máselelermen úndesip jatýy tiis. Ókinishke qarai qazir fraktsiialardyń jergilikti jerdegi jumysy keibir talaptarǵa sai emes, – dedi partiia Tóraǵasynyń Birinshi orynbasary.
Sondai-aq Baýyrjan Baibek Partiia Tóraǵasynyń tapsyrmasyna sáikes Qoǵamdyq qabyldaý jumysyn jetildirýge, keri bailanysty kúsheitýge jáne halyqtyń muń-muqtajyna bailanysty jedel áreket etýge erekshe kóńil bólý kerektigin aitty. Ol úshin partiialyq baqylaýdy kúsheitip, sol arqyly atqarýshy organdardyń jaýapkershiligin kóterý mindetteledi.
Budan basqa partiia halyqtan kelip-túsken árbir ótinishti jiti baqylaýǵa alyp, tikelei jumys isteidi. Sondyqtan partiia memlekettik organdardyń halyqtyń ótinishterine jaýap berip, máselelerdi oń sheshý jolyndaǵy jumystardy muqiiat baqylaýǵa alýy tiis.
Osyǵan bailanysty «Nur Otan» partiiasy Tóraǵasynyń Birinshi orynbasary alǵashqy jartyjyldyqta partiianyń Oral qalalyq filialynda qala ákiminiń orynbasarlary birde bir qabyldaý ótkizbegenin qatań synǵa aldy.
– Eger qalalar men eldimekenderdiń ákimderi, olardyń orynbasarlary qoǵamdyq qabyldaý arqyly halyqpen kezdespese partiialyq tártip máselesin kóterip, laýazymyna qatysty partiialyqtyń kodeksine sáikes shara qoldanylady, – dedi ol.
Sonymen qatar Baýyrjan Baibek partiianyń oblystyq filialyna kelip túsken ótinishter boiynsha áleýmettik nysandardy aralady. Qazaqstan Prezidenti Qasym-Jomart Toqaev óziniń Sailaýaldy tuǵyrnamasynda 2023 jylǵa deiin apatty jaǵdaidaǵy jáne úsh aýysymda oqytatyn mektep máselesin tolyǵymen sheshýge ýáde bergen edi. Soǵan bailanysty partiia bul máseleni qatań baqylaýda ustaidy.
Sonyń aiasynda Baýyrjan Baibek Batys Qazaqstan oblysynyń ákimi Ǵali Esqalievpen birge 58 jyl buryn salynyp, búginde apatty jaǵdaida turǵan №31 mekteptiń jai-kúiimen tanysty. Búginde atalǵan mektepti súrip tastap, ornyna jańa bilim ordasyn salý týraly sheshim qabyldanǵan. Soǵan orai balalar men muǵalimderdi ýaqytsha jaqyn jerdegi mektepterge ornalastyrmaq.
Sonymen birge partiia Tóraǵasynyń Birinshi orynbasary baspanalary tozyǵy jetken apatty jaǵdaidaǵy úilerdi súrý baǵdarlamasyna qatysatyn turǵyndarmen kezdesip, halyqtyń muń-muqtajyn tyńdady. Atalǵan baǵdarlamany júzege asyrý tek turǵyn úi talaptaryn jaqsartyp qana qoimai, júzdegen otbasynyń áleýmettik ahýalyn jaqsartýǵa, qala ekonomikasyna qosymsha investitsiia tartýǵa jáne jańa jumys oryndaryn ashý arqyly salyqtyń túsimin qamtamasyz etýge mol múmkindik beredi.
Aita keteiik, «Nur Otan» partiiasy Batys Qazaqstan oblystyq filialynyń kezekten tys XXV konferentsiiasynda aimaq basshysy Ǵali Esqaliev partiianyń jergilikti aktiviniń qoldaýymen oblystyq filialdyń tóraǵasy bolyp sailandy.
Ult portaly
