Prodiýser Baian Alagózova men rejisser Talǵat Temenovtiń arasynda "Mahabbat stantsiia" filmi úshin daý shyqty, - dep habarlaidy Tengrinews.kz tilshisi.
1993 jyly shyqqan "Mahabbat stantsiiasy" atty filmniń rejisseri men stsenarisi Talǵat Temenov óz kezeginde kartinanyń jalǵasyn túsirýge ruqsatyn bermegenin aitty. Temenovtiń málimdeýinshe, prodiýser Baian Alagózova onyń avtorlyq quqyǵyn jańa filmdi "Mahabbat stantsiia" dep qoiýymen buzǵan.
"Meniń ruqsatymsyz Baian Alagózova óziniń filmin túsirýdi jalǵasytyryp jatyr. Meniń bul filmniń rejisseri men stsenarisi bolǵanymdy umytqandai. Qolym tigen soń telefonymdy kómekshime berdim. Boldy. Zańgerler avtorlyq quqyqqa bailanysty kelisim júrgizip jatyr. Biraq meniń zańgerlerim áli kezdesken joq. Baiannyń film túsirýge esh qaqysy joq jáne meniń ónerime qol sýǵýǵa eshkim ruqsat bermedi", - dep málimdedi Talǵat Temenov.
Óz kezeginde Baian Alagózova Instagram áleýmettik jelisindegi paraqshasynda Talǵat Temenovke jaýabyn jariialaǵan. Ol filmdi túsirýge QR Mádeniet ministrliginen ruqsat alyp, ruqsat berilgeni aitylǵan qujattyń sýretin salyp qoidy.
"Qurmetti Talǵat Dosymǵaliuly, siz meni halyqtyń kózinshe urlyq jasady dep aiyp taǵyp, joldaý jasaǵan ekensiz, onyńyzǵa jaýapty bermeýden basqa amalym qalmady. Birinshiden, siz maǵan 25 jyl buryn filmniń stsenarii avtory retinde quqyq bergensiz. "Mahabbat stantsiiasy" filmi memlekettik qarjylandyrýdan shyǵyp, siz ózińizdiń gonoraryńyzdy alǵansyz. Endi sizde filmge degen eshqandai shaǵym bolmaýy kerek, sebebi týyndy QR Mádeniet ministriniń menshigi bolyp sanalady. Sizge odan da túsinikti bolýy úshin "Mahabbat stantsiiasy" filminiń stsenarii de basqasha, jelisi de qaitalanbaitynyn aityp óteiin. Men týyndyny atyn ózgertip jariialaýǵa tolyqtai quqylymyn. Endi jurttyń kózinshe aldyn ala málimdemes buryn abai bolyńyz, áitpese tiisti organdarǵa shaǵymdanamyn", - dep jazdy Baian Alagózova.
"Resmi túrde men barlyq ruqsat qujatyn aldym. Sonymen qatar, mýzyka avtory Tólegen Muhamedjanovtyń da ruqsaty bar", - dep qosty prodiýser.
