Tizimde birinshi oryndy Qytai alady - 4 106 millioner. Top-10 eldiń qataryna Resei (2526), Gonkong (692), AQSh (685), Pákistan (283), Úndistan (254), Saýd Arabiiasy (223), Túrkiia (221) jáne Egipet (206) kiredi.
Aita keteiik, "altyn viza" Ulybritaniiada máńgi qalýǵa, elde biznes júrgizýge jáne balalardy eýropalyq bilimmen qamtamasyz etýge múmkindik beredi. Ulybritaniiany ekinshi Otany dep ataý quqyǵy eki million fýnt sterlingke teń. Bul - investor esepshotynda bolýy kerek eń az soma.
"Altyn vizaǵa" úmitker qarajat keminde eki jyl esepshotynda turǵanyn dáleldeýi kerek. 2008 jyldan bastap mundai qujatty 11 myń adam alǵan. Olar Ulybritaniiada turýǵa jáne azamattyq alý úshin ótinish berýge quqyly.
Ulybritaniiadaǵy sybailas jemqorlyqqa qarsy kúrespen ainalysatyn qaiyrymdylyq uiymynyń jańa esebinde Úkimetke 2008 jyldan 2015 jylǵa deiingi kezeńde osy sanat sheńberinde berilgen vizalardy sholý nátijesin jedel jariialaý usynylǵan.
"Ulybritaniianyń "altyn viza" rejimi Ulybritaniia úshin sybailas jemqorlyqqa, aqshany jylystatýǵa jáne ulttyq qaýipsizdikke úlken qaýip tóndiredi", - dedi Spotlight on Corruption atqarýshy direktory Siýzan Hoýli.
Buǵan deiin Ábliazovtyń uly "altyn viza" alýshylar tizimine kirgeni habarlanǵan bolatyn. The Guardian ulybritaniialyq gazetiniń málimetine sáikes, Madiiar Ábliazov 2013 jyly investorlyq vizaǵa ótinish berip, Ulybritaniiada turýǵa yqtiiarhat alǵan, ol úshin onyń ákesi Muhtar Ábliazov Shveitsariia bankine ulynyń atyna bir million fýnt sterlingten asa aqsha aýdarǵan.
