Fýtboldan Qazaqstan chempiony Baýyrjan Jolshiev qylmystyq jaýapkershilikke tartyldy. Bul týraly prosports.kz jazdy.
«Astana» klýbynyń burynǵy oiynshysy 2016 jyly kúzde «mersedes» avtokóligin mas kúiinde júrgizip, úsh jylǵa kýálikten aiyrylǵan. Alaida, 2017 jyly 3-shi sáýirde qaitadan kólik tizgindedi. Bul joly Baýyrjanǵa Qylmystyq Kodekstiń 346-shy babyna sáikes is qozǵaldy. Teris áreketi úshin fýtbolshyǵa 500 ailyq kórsetkishtik aiyppul salynýy tiis edi. Biraq, sýdia Oljas Kúrenbekov qaltaly azamatqa mundai qarajat az dep sanap, jazany 200 saǵattyq qoǵamdyq jumystarǵa aýystyrǵan. Endi Jolshiev Almaty qalasynyń kóshelerin tazalamaq.
IID-niń baspasóz qyzmetkeri Ǵalymjan Qasenovtyń aitýynsha, fýtbolshy jumys isteýden bas tartqan jaǵdaida jazasy aýyrlaidy. Qarapaiym sózben aitqanda fýtbolshy bas bostandyǵynan aiyrylýy da múmkin.
