Baýyrjan Omarov QR Prezidentiniń keńesshisi qyzmetine taǵaiyndaldy, "Ult aqparat" Aqordaǵa silteme jasap.
«Memleket basshysynyń Ókimimen Baýyrjan Jumahanuly Omarov Qazaqstan Respýblikasy Prezidentiniń keńesshisi qyzmetine taǵaiyndaldy», — delingen resmi habarlamada.
Baýyrjan Omarov 1962 jyly Qyzylorda oblysy Aral aýdany Qaratereń aýdanynda týǵan.
Filologiia ǵylymdarynyń doktory (2001), professor (2002), Qazaqstan Respýblikasy Ulttyq Ǵylym akademiiasynyń korrespondent-múshesi (2013). Qazirgi ál-Farabi atyndaǵy QazUÝ-dyń jýrnalistika fakýltetin (1986), Máskeý halyqaralyq biznes jáne aqparattyq tehnologiialar ýniversitetin (1998), T.Rysqulov atyndaǵy Qazaq ekonomikalyq ýniversitetin (2006) bitirgen.
Eńbek jolyn «Leninshil jas» (qazirgi «Jas Alash») gazetiniń tilshisi bolyp bastaǵan. Aǵa tilshi, aýdarmashy, bólim meńgerýshisi (1986–1994) qyzmetterin atqarǵan. Ál-Farabi atyndaǵy QazUÝ-dyń aǵa oqytýshysy (1994–1996), aǵa ǵylymi qyzmetkeri (doktorant) (1998–2000), professory (2002–2003), Qyzylorda memlekettik ýniversitetiniń prorektory (1996–1997), Qyzylorda qalasy ákiminiń orynbasary – Qyzylorda arnaiy ekonomikalyq aimaǵy ákimshilik keńesi tóraǵasynyń orynbasary (1997–1998), Qazaqstan BǴM M.Áýezov atyndaǵy Ádebiet jáne óner institýtynyń aǵa ǵylymi qyzmetkeri, bólim meńgerýshisi (2000–2003), QR Mádeniet ministrliginiń Tilderdi damytý departamentiniń direktory, QR Mádeniet, aqparat jáne sport ministrligi Til komitetiniń tóraǵasy (2003–2006), «Liter-Media» JShS atqarýshy direktory, «Astana habary» gazeti bas redaktorynyń birinshi orynbasary, «Aiqyn» gazetiniń bas redaktory, Qyzylorda oblysy ákimi apparatynyń jetekshisi, «Qazaq gazetteri» JShS bas direktory (2006–2009), QR Mádeniet jáne aqparat ministrligi Aqparat jáne muraǵat komiteti tóraǵasynyń orynbasary, Aqparat jáne muraǵat komitetiniń tóraǵasy, QR Mádeniet ministrligi Til komitetiniń tóraǵasy. QR Prezidenti Baspasóz qyzmetiniń sektor meńgerýshisi (2009–2013),qyzmetterin atqardy. Qazir – QR Prezidenti Baspasóz hatshysynyń orynbasary qyzmetterin atqarǵan.
100-den astam ǵylymi jariialanym men 10 ǵylymi jáne pýblitsistikalyq kitaptardyń avtory.
