«Birgemiz» qorynan taǵy 110 myń muqtaj otbasy 50 myń teńgeden aldy. Bul týraly «Nur Otan» partiiasy Tóraǵasynyń birinshi orynbasary Baýyrjan Baibek Instagram paraqshasy arqyly jariia etti, dep habarlaidy "Ult aqparat".
«Qurmetti dostar, Elbasynyń tapsyrmasymen «Birgemiz» qory birjolǵy tólemaqy berýdiń úshinshi kezeńin júrgizgenin habarlaimyn. Shaǵyn qalalar men aýyldardaǵy jáne iri qalalarǵa irgeles eldi mekenderdegi 110 myńnan astam asa muqtaj otbasy 50 000 teńgeden aldy», - dep jazdy ol.
Osylaisha, búgingi tańda Nursultan Nazarbaevtyń bastamasy boiynsha qurylǵan qoǵamdyq qor 470 000-nan astam otbasyny nemese 1,6 million qazaqstandyqty tikelei ataýly kómekpen qamtyp otyr.
«Bizdiń «Jas Otan» jastar qanatymyz búkil el boiynsha 5 myńnan astam volonterdi jumyldyryp, 256 myńdai otbasyǵa azyq-túlik sebetterin, maskalar men eń qajetti zattardy jetkizip berdi. Halyqtyń qorǵanysy álsiz bóligine jatatyn 100 myń otbasyǵa 5 million tegin maska úlestirildi. «Birgemiz» qory esebinen Maqtaaral aýdanyndaǵy sý basýdan zardap shekken Dostyq aýylynyń turǵyndary úshin jańa úiler qurylysy júrgizilip jatyr. Jalpy tótenshe jaǵdaidyń alǵashqy kúninen bastap nurotandyqtar elimizdiń barlyq óńirinen Túrkistan oblysyna 1000 tonnadan astam azyq-túlik, kiim-keshek, qurylys materialdary men jeke gigiena quraldaryn jiberdi», - dep habarlaidy Baýyrjan Baibek.
Nur Otan» partiiasy Tóraǵasynyń birinshi orynbasary jedel jáne úilesimdi jumysy úshin barsha partiialastarǵa, jasotandyqtarǵa, partiianyń óńirlik filialdaryna shynaiy alǵysyn bildirdi.
«Elbasynyń úndeýine qoldaý bildirgen barsha metsenattarǵa erekshe raqmet aitamyn. Osy aptanyń ishinde biz partiiamyzdyń Lideri Nursultan Ábishuly Nazarbaevtyń alǵys hattaryn tabystaýdy bastaimyz», - dep jazdy ol.
