Búgingi kúni praimerizge qatysýǵa 7670 azamat ótinish berdi. Olardyń 34% - áielder, 24,1% - 35 jasqa deiingi jastar. Bul týraly «Nur Otan» partiiasy Tóraǵasynyń Birinshi orynbasary Baýyrjan Baibek Feisbýktegi paraqshasynda habarlady.
«Qurmetti dostar! Partiia Lideri Nursultan Nazarbaevtyń tapsyrmasy boiynsha respýblikalyq partiiaishilik irikteý – praimeriz ótkizip jatqanymyzdy jaqsy bilesizder. Búgingi kúni oǵan qatysýǵa 7670 azamat ótinish berdi. Olardyń 34% - áielder, 24,1% - 35 jasqa deiingi jastar. Bastaýysh partiia uiymdary 2631 adamdy usynsa, al 5039 kandidat – ózin-ózi usynǵandar» dep jazdy ol.
Málimetke sai, tirkeý osy aptanyń sońyna deiin jalǵasady. 7 qyrkúiekten bastap úmitkerlerdiń úgit jumysy bastalady, onyń ishinde jariia pikirsaiystar – 14-30 qyrkúiek aralyǵynda bolady.
Sonymen birge qazirgi epidemiologiialyq ahýal belgili bir shekteýler týdyryp, praimeriz ótkizý úshin tiisti jaǵdai jasaýdy talap etýde.
«Bárimiz úshin eń aldymen azamattarymyzdyń densaýlyǵy men amandyǵy mańyzdy. Osyǵan bailanysty bas memlekettik sanitarlyq dáriger Aijan Esmaǵambetovamen birlesip Praimeriz ótkizý kezinde arnaiy sanitarlyq-epidemiologiialyq talaptar engizý týraly qaýly qabyldadyq. Ony barlyq uiymdastyrý komitetteri, kandidattar jáne daýys berýshiler basshylyqqa alýy tiis. Sonymen, partiiaishilik irikteýge qatysýshylar maskalardy, qolǵaptardy, zararsyzdandyrý quraldaryn paidalanýǵa, keminde 2 metr áleýmettik aralyqty saqtaýǵa, qol alysyp amandaspaýǵa jáne basqa da saqtyq sharalaryn ustanýǵa mindetti» deidi Baýyrjan Baibek.
Partiia Tóraǵasynyń Birinshi orynbasarynyń aitýynsha, barlyq iske qosylǵan úi-jailarda sanitaizerlerdiń, bailanyssyz termometrlerdiń qajetti mólsheri qamtamasyz etiledi, zararsyzdandyrǵysh quraldar paidalanyla otyryp, turaqty túrde ylǵaldy tazalaý júrgiziledi jáne keminde táýligine 2 ret jeldetiledi.
Úgit barysynda flaerlar men býkletterdi tek maska taǵyp, qolǵap kiip qana taratý qajet.
Kandidattardyń partiia múshelerimen kezdesýleri áleýmettik jelilerde beinekonferentsiia arqyly, ashyq alańdarda nemese jeldetiletin úi-jailarda qatysýshylar arasyndaǵy qashyqtyqty saqtap, maska taǵa otyryp, ótýi múmkin.
Kandidattardyń jariia debattary 1224 obektide onlain-formatta jáne áleýmettik aralyqty saqtai otyryp ótkizilýi tiis.
2545 daýys berý ýchaskesinde kabinalar men ýrnalar, sondai-aq biýlletenderdi berý oryndary bir birinen keminde eki metr araqashyqtyqta bolýy tiis.
«Jalpy, biz engizgen «Praimeriz» aqparattyq júiesi partiiaishilik irikteýdiń barlyq kezeńin ótkizýge múmkindik beredi, onyń ishinde tirkeýdi, úgitti jáne daýys berýdi onlain rejimde ótkizýge bolady. Júie qoldanýǵa jeńil, sailaýshynyń «tańdaý qupiiasyn», sondai-aq syrttan aralasýdan qorǵaýdy qamtamasyz etedi. Sondyqtan is-sharalardyń basym bóligin biz osy múmkindikterdi paidalana otyryp ótkizýge tyrysamyz. Praimerizdiń uiymdastyrýǵa qatysty tustary jaily primaries.kz jáne nurotan.kz saittarynan tolyǵyraq tanysa alasyz» dep túidi sózin Baýyrjan Baibek.
