Mádeniet jáne aqparat ministrligi, Ulttyq kino ortalyǵynyń qoldaýymen túsirilgen «Baýyryna salý» filmi Ázirbaijan astanasy – Bakýde marapat biiginen kórindi. Film «Baku International Film Festival 2024» festivalinde bas júlde aldy, dep habarlaidy Ult.kz.
Festivalde qazylar alqasynyń tóraǵasy, «Altyn globýs» syilyǵynyń iegeri Siddik Bairam qazaqstandyq filmdi joǵary baǵalaǵan.
«Baýyryna salý» filmin Ortalyq Aziiadaǵy mazmundy filmniń biri dep aita alamyn. Munda ulttyq dástúrdiń kóleńkeli tusy, bala janynyń názik psihologiiasy ashyp kórsetilgen. Qarapaiym aýyldyń qońyr tirligin baiandaityn film aldaǵy ýaqytta da shyńdy baǵyndyrady dep senemiz!», – dedi aýǵan rejisseri Siddik Bairam.
Atalǵan filmdi rejisser Ashat Kýchincherekov túsirgen. Kartina Qazaqstan kinematografister aliansy músheleriniń daýys berý qorytyndysy boiynsha «Tulpar» ulttyq syilyǵynyń eń joǵary nagradasyna ie boldy. Sondai-aq, jaqynda elimizdi halyqaralyq arenada tanystyrý úshin Oskar komitetine usynyldy.
