مەدەنيەت جەنە اقپارات مينيسترلٸگٸ, ۇلتتىق كينو ورتالىعىنىڭ قولداۋىمەن تٷسٸرٸلگەن «باۋىرىنا سالۋ» فيلمٸ ەزٸربايجان استاناسى – باكۋدە ماراپات بيٸگٸنەن كٶرٸندٸ. فيلم «Baku International Film Festival 2024» فەستيۆالٸندە باس جٷلدە الدى, دەپ حابارلايدى Ult.kz.
فەستيۆالدە قازىلار القاسىنىڭ تٶراعاسى, «التىن گلوبۋس» سىيلىعىنىڭ يەگەرٸ سيدديك بايرام قازاقستاندىق فيلمدٸ جوعارى باعالاعان.
«باۋىرىنا سالۋ» فيلمٸن ورتالىق ازيياداعى مازمۇندى فيلمنٸڭ بٸرٸ دەپ ايتا الامىن. مۇندا ۇلتتىق دەستٷردٸڭ كٶلەڭكەلٸ تۇسى, بالا جانىنىڭ نەزٸك پسيحولوگيياسى اشىپ كٶرسەتٸلگەن. قاراپايىم اۋىلدىڭ قوڭىر تٸرلٸگٸن باياندايتىن فيلم الداعى ۋاقىتتا دا شىڭدى باعىندىرادى دەپ سەنەمٸز!», – دەدٸ اۋعان رەجيسسەرٸ سيدديك بايرام.
اتالعان فيلمدٸ رەجيسسەر اسحات كۋچينچەرەكوۆ تٷسٸرگەن. كارتينا قازاقستان كينەماتوگرافيستەر اليانسى مٷشەلەرٸنٸڭ داۋىس بەرۋ قورىتىندىسى بويىنشا «تۇلپار» ۇلتتىق سىيلىعىنىڭ ەڭ جوعارى ناگراداسىنا يە بولدى. سونداي-اق, جاقىندا ەلٸمٸزدٸ حالىقارالىق ارەنادا تانىستىرۋ ٷشٸن وسكار كوميتەتٸنە ۇسىنىلدى.
