Almatyda Baým baǵyn avtosalon ieleri kólik turaǵyn jasaý úshin zańsyz iemdenip kelgen. Bul zańbuzýshylyqty megapolis ákimdigi tabiǵi aýmaqty kommýnaldyq menshikke alǵan soń ǵana anyqtady, dep habarlaidy QazAqparat tilshisi.
Maýsymda Almaty ákimi Baýyrjan Baibek zańǵa sáikes basyp alynǵan jer telimderin qaitarýdy jáne ony kógaldandyrýdy tapsyrǵan edi.
Tabiǵi resýrstar jáne tabiǵat paidalanýdy retteý basqarmasy habarlaǵandai, dál qazirgi ýaqytta qalanyń eń úlken jáne jasyl aýmaǵyndaǵy barlyq jer ýchaskeleri qalaǵa qaitaryldy. Osy ýaqyt aralyǵynda Almaty ákimdigi baqta rekonstrýktsiialyq jumystar atqardy.
Budan bólek, qoǵamdyq qaýipsizdikti qamtamasyz etý maqsatynda baqta táýlik boiy jumys isteitin politsiianyń tirek postysy iske kiristi. Sonymen qatar, buryn qulaǵan aǵashtardan jasalǵan eko-stildegi navigatsiialyq taqtaishalar, oryndyqtar qoiyldy. Terek, emen, qaiyń alleialary úshin aǵash otyrǵyzý josparlanǵan.
Aǵashtardyń immýnitetin kóterý jáne ziiankesterden qorǵaý úshin zamanaýi preparattar arqyly jasyl jelekter biologiialyq óńdeýden ótetin bolady. Tabiǵi aimaqta flora men faýnany keńeitý mindeti qoiylǵan.
Aita keterligi, Almaty ákimdigi qaladaǵy zańsyz iemdenip alǵan territoriialardy qaitarý baǵytynda jumys jasap jatyr. Sońǵy aida taǵy da birqatar jer telimi memleket menshigine qaitaryldy.
Ákimdiktiń qaýlysy boiynsha «Atakent» ortalyǵymen 23 ga jer telimin ýaqytsha jalǵa kelisimi kúshin joidy. «TURKUAZ GROUP OF COMPANIES» kompaniiasy «Iýjnyi» parki ýchaskesinde turǵyn úi salýdan óz erkimen bas tartty.
Ekinshi deńgeili banktiń birimen Rozybakiev-Shtraýs-Esqaraev-Radostovets kósheleri aýmaǵyndaǵy jer ýchaskesin memleket menshigine qaitarý týraly kelisimge qol jetkizildi. Saq qorǵany ornalasqan bul jerge ashyq aspan astyndaǵy Mýzei salý josparlanǵan.
Sonymen qatar, Almaty ákimdigi qala ippodromy men "Sairan" avtovokzalyn tarihi-mádeni mura obektileriniń aldyn ala jasalǵan tizimine engizdi.
Ótken aptada ákim Baýyrjan Baibek Abai kóshesi boiyndaǵy Túrksib aýrýhanasynyń burynǵy ǵimaratyn Almaty qalasy tarihynyń eskertkishteri tizimine engizý máselesin qarastyrýdy tapsyrdy.
