Foto: UQK
1 sáýirden beri Atyraý, Batys Qazaqstan jáne Mańǵystaý oblysynda «Bekire – 2025» keńaýqymdy balyq qorǵaý aktsiiasy ótip jatyr. Osy kezge deiin brakonerlikke qatysy bar quqyq buzýshylarǵa 10,9 mln teńge aiyppul salyndy, dep habarlaidy inspektsiianyń baspasóz qyzmeti.
Jaiyq-Kaspii oblysaralyq balyq sharýashylyǵy inspektsiiasynyń baspasóz qyzmetinen málim etkendei, 1 sáýirden beri tabiǵat qorǵaý zańdylyǵyn buzýǵa bailanysty 593 derek anyqtalǵan.
– Elimizdiń úsh oblysynda quqyq buzǵan 445 adam ákimshilik jaýapqa tartyldy. Olarǵa 10,9 mln teńge aiyppul salyndy. Brakonerlikke, baǵaly bekire tuqymdas balyqtyń zańsyz ainalymyna qatysty 19 qylmystyq is qozǵaldy. Zańsyz ainalymnan 2 tonna 770 keli balyq tárkilendi. Onyń ishinde 582 keli bekire tuqymdas balyq, 2 keli qara ýyldyryq bar. Quqyq buzýshylardan 128 aý, 6 sý kóligi alyndy. Sý aidyndarynan tyiym salynǵan 379 balyq aýlaý quraly shyǵaryldy, -dep habarlady inspektsiianyń baspasóz qyzmeti.
Jaiyq-Kaspii sý basseinindegi keńaýqymdy balyq qorǵaý aktsiiasy 31 mamyrǵa deiin jalǵasady.
Eske sala ketelik, budan buryn Atyraý oblysynda «Bekire – 2025» aktsiiasy aiasynda 1 sáýirden beri 311 keli bekire tárkilengenin habarlaǵan bolatynbyz.
