Batysqazaqstandyq turǵyn 366 dana kiik múiizimen qolǵa tústi, dep habarlaidy "Ult aqparat".
Batys Qazaqstan oblystyq Politsiia departamentiniń baspasóz qyzmetinen túsken málimetke qaraǵanda, oqiǵa 2 mamyr kúni boldy.
Jedel izdestirý sharalary barysynda kiik múiizin satý ústinde 1991 jylǵy turǵyn ustaldy. Odan 366 kiik múiizine qosa «Volkswagen» avtokóligi tárkilendi.
Qazirgi kezde onyń basqa da qylmystarǵa qatystylyǵy tekserilýde.
Atalǵan derek boiynsha QR QK 339-baby 1-1-bóligine (kiikti zańsyz qolǵa túsirý, joiý, sol siiaqty zańsyz qolǵa túsirilgen kiikti nemese onyń derivattaryn, onyń ishinde múiizderin iemdený, saqtaý, ótkizý, ákelý, áketý, jóneltý, tasymaldaý) sáikes tergeý amaldary júrgizilýde.
Bul bap boiynsha aiypty dep tanylǵan adam múlki tárkilenip, úsh jyldan bes jylǵa deiingi merzimge bas bostandyǵyn shekteýge ne sol merzimge bas bostandyǵynan aiyrýǵa jazalanady.
Jyl basynan beri oblysta ósimdikterdiń nemese janýarlardyń sirek kezdesetin jáne quryp ketý qaýpi tóngen, sondai-aq paidalanýǵa tyiym salynǵan túrlerimen, olardyń bólikterimen nemese derivattarymen zańsyz ainalysýǵa qatysty 17, zańsyz ańshylyqqa bailanysty 5, zańsyz balyq aýlaýǵa qatysty 2, kórineý qylmystyq jolmen tapqan múlikti iemdený nemese ótkizýge bailanysty 6 qylmys ashyldy.
Sondai-aq janýarlar álemin paidalaný men ań aýlaý talaptaryn buzýǵa qatysty 140, balyq jáne basqa sý janýarlaryn aýlaý erejelerin buzýǵa bailanysty 39 ákimshilik quqyqbuzýshylyqtyń beti ashyldy. 6 tonnadan astam balyq tárkilendi.
