Batysqa ilesem dep ata-babadan qalǵan saltty umytýǵa bolmaidy. Bul týraly búgin «Táýelsizdik urpaqtary» atty Jastar jylynyń ashylýynda Elbasy Nursultan Nazarbaev aitty, dep habarlaidy QazAqparat tilshisi.
«Jastardyń boiynda áleýmettik jaýapkershilik, qorshaǵan ortany aialaý sezimin qalyptastyrý eń negizgi mindet. Sebebi onyń barlyǵy - bolashaqtaryń. Ásirese úlkenge qurmet, kishige izet bildirýdiń, meiirimdilik pen adamgershilik qasietterdi damytýdyń mańyzy zor. Bizdiń ata-babamyzdan qalǵan saltymyz bar. Kishiler úlkendi syilaidy, erler áieldi syilaidy. Batysqa ilesemiz, demokrat bolamyz dep munyń barlyǵyn umytýymyzǵa bolmaidy», - dedi Elbasy.
Memleket basshysy qarttar úiinde qazaqtyń ata-ájeleriniń otyrǵanyna qabyrǵasy qaiysatyndyǵyn basa aitty.
«Qazaqta mundai bále bolǵan joq. Ákesin, qartaiǵan sheshesin úiinde ustaityn. Kishi balasyn otaý iesi dep aitqan. Qazaqta balasyn jetimder úiine berý bolǵan joq. Mundai jetimder úii Qazaqstanda bolmaýy kerek. Jetim balar úiindegi balalardy asyrap alý qajet», - dedi Nursultan Nazarbaev.
Aita keteiik, Astanada «Táýelsizdiktiń urpaqtary» ataýymen Jastar jylynyń ashylý saltanaty ótip jatyr.
Sharaǵa Úkimet músheleri, QR Parlamenti depýtattary, jergilikti atqarýshy organ basshylary, QR Prezidenti janyndaǵy Jastar saiasaty keńesiniń músheleri, «100 jańa esim» baiqaýynyń jeńimpazdary, «Bolashaq» baǵdarlamasynyń túlekteri, jas ǵalymdar qatysýda. Sonymen qatar bul jiynǵa shyǵarmashylyq, stýdenttik jáne jumysshy jastar ókilderi, jas sportshylar, daryndy balalar, zamanaýi media salasynyń ókilderi, balalar úiiniń tárbielenýshileri men túlekteri, jas áskeri qyzmetshiler keldi.
Eske sala ketsek, QR Prezidenti Nursultan Nazarbaev Qazaqstan halqyna ótken jylǵy Joldaýynda 2019 jyldy Jastar jyly dep jariialaýdy usynǵan bolatyn.
Prezident óz sózinde jastardyń barlyq sanatyn qoldaýǵa arnalǵan sharalardy tolyq qamtityn áleýmettik satynyń aýqymdy platformasyn qalyptastyrý kerektigin aitqan bolatyn Al, arada bir aidan astam ýaqyt ótkende Elbasy Jarlyǵymen 2019 jyl Jastar jyly dep jariialandy.
.jpeg)