Respýblikanyń batys óńiriniń elektr jelilerin kúsheitý jumystary bastalady. Bul týraly Úkimet otyrysynda QR Energetika ministri Nurlan Noǵaev aitty, dep habarlaidy "Ult aqparat".
«Elimizdiń ońtústik óńirindegi elektr jelilerin kúsheitýge qatysty usynystardy qalyptastyrý jónindegi jumys toby quryldy. Jelilerdi kúsheitýdiń negizdelgen tásilin ázirleý úshin «Samuryq-Qazyna UÁQ» AQ-men birlesip táýelsiz ǵylymi institýt tartylatyn bolady», - dedi Nurlan Noǵaev.
Onyń aitýynsha, Batys óńirdiń elektr jelilerin kúsheitý aiasynda 2021 jyly Teńiz – Qulsary – Atyraý – Inder – Oral baǵyty boiynsha 220 kV elektr jelilerin kúsheitý jumystary bastalady.
«Atalǵan jobalar men jańa qýattardy ońtaily ornalastyrý úshin uzaq merzimdi josparlaýdy qamtamasyz etetin 2035 jylǵa deiingi energetikalyq teńgerim ázirlenedi. Teńgerimdi ázirleý kezinde batys óńiriniń elektr jelilerin Birtutas elektr energetikasy júiesimen biriktirýdiń utymdy nusqasy aiqyndalatyn bolady. Bul jumystar 2021 jyldyń jeltoqsanynda bitedi», - dedi ministr.
