Búgin BQO Terekti aýdany Podstepnyi aýylyndaǵy «Uly dala» saiabaǵynda belgili jazýshy, Memlekettik syilyqtyń laýreaty Hamza Esenjanovtyń músini ashyldy, dep habarlaidy "Ult aqparat" QazAqparat agenttigine silteme jasap.
Jazýshynyń eskertkishi «Rýhani jańǵyrý» baǵdarlamasy aiasynda onyń dúniege kelgenine 110 jyl tolýyna orai ornatyldy.
Hamza Esenjanov (1908-1974) budan 110 jyl buryn Terekti aýdanyndaǵy Shalqar kóli jaǵasynda dúniege kelgen. Podstepnyi - Terekti aýdanyna qaraǵanymen, Oral qalasyna irgeles ornalasqan iri eldi meken.
Sharaǵa qatysqan aqyn, halyqaralyq «Alash» ádebi syilyǵynyń iegeri, Qazaqstan Jazýshylar odaǵy BQO bólimshesiniń tóraiymy Aqushtap Baqtygereevanyń atap ótkenindei, Hamza Esenjanovtai uly tulǵaǵa eskertkish ornatý - eldiktiń belgisi.
«Hamza Esenjanov - qazaqtyń uly jazýshylarynyń biri. Mundai eskertkish qazaqqa, ultqa qyzmet etken qalamgerdiń 100 jyldyǵynda, tipti tiri kezinde de qoiylsa, artyq etpes edi. Degenmen eshten kesh jaqsy, bul da - uly dala perzentine degen qurmet. Saiasi qýǵyn-súrginniń qurbany bolyp, túrmede kún keship, aidaýda júrse de, týǵan elge degen mahabbatyn joǵaltpaǵan jazýshy keiin trilogiiaǵa ainalǵan «Aq Jaiyq» romanyn jazdy. Onyń janynda jary Sofiia apaidyń súienish bolyp ómir boiy júrgenin kózimiz kórdi. Osyndai babalaryn keiingi urpaq qadirlei bilýi kerek», - dedi Aqushtap Baqtygereeva.
Eskertkishtiń ashylý rásiminde sondai-aq aýdan ákimi Kárim Jaqypov, Hamza Esenjanov týraly kitap jazyp, onyń esimin máńgi este qaldyrý baǵytynda tynbastan eńbek etip júrgen tarihshy-ǵalym Sailaý Súleimenov sóz alyp, mundai sharalardyń jalǵasyn tabatynyn jetkizdi.
