بٷگٸن بقو تەرەكتٸ اۋدانى پودستەپنىي اۋىلىنداعى «ۇلى دالا» ساياباعىندا بەلگٸلٸ جازۋشى, مەملەكەتتٸك سىيلىقتىڭ لاۋرەاتى حامزا ەسەنجانوۆتىڭ مٷسٸنٸ اشىلدى, دەپ حابارلايدى "ۇلت اقپارات" قازاقپارات اگەنتتٸگٸنە سٸلتەمە جاساپ.
جازۋشىنىڭ ەسكەرتكٸشٸ «رۋحاني جاڭعىرۋ» باعدارلاماسى اياسىندا ونىڭ دٷنيەگە كەلگەنٸنە 110 جىل تولۋىنا وراي ورناتىلدى.
حامزا ەسەنجانوۆ (1908-1974) بۇدان 110 جىل بۇرىن تەرەكتٸ اۋدانىنداعى شالقار كٶلٸ جاعاسىندا دٷنيەگە كەلگەن. پودستەپنىي - تەرەكتٸ اۋدانىنا قاراعانىمەن, ورال قالاسىنا ٸرگەلەس ورنالاسقان ٸرٸ ەلدٸ مەكەن.
شاراعا قاتىسقان اقىن, حالىقارالىق «الاش» ەدەبي سىيلىعىنىڭ يەگەرٸ, قازاقستان جازۋشىلار وداعى بقو بٶلٸمشەسٸنٸڭ تٶرايىمى اقۇشتاپ باقتىگەرەەۆانىڭ اتاپ ٶتكەنٸندەي, حامزا ەسەنجانوۆتاي ۇلى تۇلعاعا ەسكەرتكٸش ورناتۋ - ەلدٸكتٸڭ بەلگٸسٸ.
«حامزا ەسەنجانوۆ - قازاقتىڭ ۇلى جازۋشىلارىنىڭ بٸرٸ. مۇنداي ەسكەرتكٸش قازاققا, ۇلتقا قىزمەت ەتكەن قالامگەردٸڭ 100 جىلدىعىندا, تٸپتٸ تٸرٸ كەزٸندە دە قويىلسا, ارتىق ەتپەس ەدٸ. دەگەنمەن ەشتەن كەش جاقسى, بۇل دا - ۇلى دالا پەرزەنتٸنە دەگەن قۇرمەت. ساياسي قۋعىن-سٷرگٸننٸڭ قۇربانى بولىپ, تٷرمەدە كٷن كەشٸپ, ايداۋدا جٷرسە دە, تۋعان ەلگە دەگەن ماحابباتىن جوعالتپاعان جازۋشى كەيٸن تريلوگيياعا اينالعان «اق جايىق» رومانىن جازدى. ونىڭ جانىندا جارى سوفييا اپايدىڭ سٷيەنٸش بولىپ ٶمٸر بويى جٷرگەنٸن كٶزٸمٸز كٶردٸ. وسىنداي بابالارىن كەيٸنگٸ ۇرپاق قادٸرلەي بٸلۋٸ كەرەك», - دەدٸ اقۇشتاپ باقتىگەرەەۆا.
ەسكەرتكٸشتٸڭ اشىلۋ رەسٸمٸندە سونداي-اق اۋدان ەكٸمٸ كەرٸم جاقىپوۆ, حامزا ەسەنجانوۆ تۋرالى كٸتاپ جازىپ, ونىڭ ەسٸمٸن مەڭگٸ ەستە قالدىرۋ باعىتىندا تىنباستان ەڭبەك ەتٸپ جٷرگەن تاريحشى-عالىم سايلاۋ سٷلەيمەنوۆ سٶز الىپ, مۇنداي شارالاردىڭ جالعاسىن تاباتىنىن جەتكٸزدٸ.
