Batys Qazaqstan oblysynda JRVI men tumaýdyń jiileýine bailanysty merekelik is-sharalardy ótkizý shekteledi. Bul týraly óńirlik kommýnikatsiialar qyzmeti alańynda ótken brifingide BQO sanitarlyq-epidemiologiialyq baqylaý departamentiniń basshysy Muhamǵali Aryspaev málim etti, dep habarlaidy QazAqparat.
M. Aryspaevtyń aitýynsha, ásirese, balabaqshalar men mektepterde barlyq kópshilik is-sharalarǵa shekteý qoiylady.
«Sonymen qatar meiramhana ielerinen jańajyldyq kooperativterdi ótkizýden bas tartýdy usynamyz. Mundai is-sharalardan keiin adamdardyń kóp jinalýy saldarynan indettiń qaita órship ketýi múmkin. Onyń ústine kórshiles Reseide omikron shtamy tabylyp otyr. Sondyqtan barlyq sanitarlyq talaptardy saqtap, aldaǵy merekelelik is-sharalardy turǵyndardyń óz otbasylarynda ótkizýi kerek dep esepteimiz», dedi M.Aryspaev.
Onyń sózine qaraǵanda, oblysta 1 jeltoqsannan beri 143 adamnyń koronavirýs juqtyrǵany anyqtaldy.
Sońǵy aptada (3-9 jeltoqsan) aldyńǵymen (26 qarasha – 2 jeltoqsan) salystyrǵanda, aýrý juqtyrý kórsetkishi 6,7 paiyzǵa tómendedi.
Osy aida 21 oqýshy, 7 muǵalim, JOO-da 2 stýdentten indet tabyldy.
«Omikron» shtamy álemniń 57 elinde anyqtaldy. Sonyń ishinde Reseide eki adamnyń aýyrǵany tirkeldi. Oblysqa Mysyrdan 9, Londonnan 2 jáne Germaniiadan 1, barlyǵy 12 QR azamaty keldi. Kúni búgin olardyń barlyǵy turǵylyqty jeri boiynsha baqylaýǵa alyndy. Izrail, Chehiia, Niderlandy, Ulybritaniia, Italiia, Germaniia, Aýstraliia, Kanada, Belgiia jáne Mysyrdan kelgen azamattar COVID-19-ǵa qarsy vaktsinatsiialaýdyń tolyq kýrsynan ótken-ótpegendigine qaramastan, memlekettik shekaradan ótken sátte PTR anyqtamasyn usynýy mindetti. Oblysta «Omikron» shtamy tirkelgen joq. Osy jaǵdaiǵa bailanysty epidemiologiialyq qadaǵalaý júiesinde SARS-COV-2 jańa nusqalaryn ýaqtyly anyqtaýdyń mańyzdylyǵyn eskere otyryp, KVI naýqastarynyń oń nátije synamalary Nur-Sultan qalasyndaǵy «Ulttyq saraptama ortalyǵyna» jiberildi. Bular tekserilý ústinde», dedi M.Aryspaev.
Óńirde JRVI-men syrqattanýshylyq 2,4 esege (2020 jyly – 8143, 2021 jyly – 20 124) ósken. Sondai-aq 1 qarashadan beri 81 turǵynnyń tumaýdyń A (H3N2) túrimen aýyrǵany belgili boldy. Ótken 2020-2021 jylǵy epidemiologiialyq maýsymda tumaýmen aýyrǵandar tirkelmegen edi.
