Batys Qazaqstan oblysynda 10 qarashadan bastap 23-ine deiin shekteý sharalary qatańdatyldy, dep habarlaidy QazAqparat tilshisi.
BQO bas memlekettik sanitar dárigeri Muhamǵali Aryspaevtyń qaýlysyna sáikes indetke qarsy is-sharalar júrgizý úshin Oral qalasyna jáne oblys aýdandaryna kirip-shyǵatyn jerlerge sanitarlyq posttar ornatylady.
Shekteý sharalarynyń rejimi men ýaqyty aimaqtaǵy COVID-19 koronavirýstyq infektsiiasynyń taralýy jaǵdaiynyń ózgerýine sáikes qaita qaralýy múmkin.
Óńir turǵyndary respiratorlyq infektsiianyń alǵashqy belgileri paida bolǵan kezde (qurǵaq jótel, qyzba, tynys alýdyń qiyndaýy, entigý jáne t.b.) meditsinalyq uiymdarǵa barmai, 103 telefonyna qońyraý shalý arqyly úiden meditsinalyq kómekke júginýi kerek.
Sondai-aq turǵyndar 5 jasqa deiingi balalardy qospaǵanda, qoǵamdyq oryndarda, halyqqa qyzmet kórsetýge, barýǵa jáne demalýǵa arnalǵan oryndarda, qoǵamdyq kólikterde, sondai-aq qoǵamdyq tamaqtaný oryndarynda qashyqtyqty saqtai otyryp tamaqtaný kezinde, 5 adamnan aspaityn toptyq sport túrlerimen ainalysatyndardy qospaǵanda, ashyq jerlerdegi qoǵamdyq oryndarda meditsinalyq nemese mata maskalaryn kiiý mindetti.
Jergilikti atqarýshy, quqyq qorǵaý organdarynyń, jedel jáne shuǵyl meditsinalyq kómek, memlekettik meditsinalyq mekemelerdiń, sanitarlyq-epidemiologiialyq qyzmetterdiń, órt sóndirý, avariialyq-qutqarý jáne avariialyq-tehnikalyq qyzmet qyzmetshilerin, jergilikti áskeri basqarma organdarynyń qyzmetshilerimen súiemeldenetin áskerge shaqyrylǵandar, sonymen qatar halyqtyń tynys-tirshiligin qamtamasyz etetin jáne strategiialyq nysandardyń óndiristik protsesin qamtamasyz etetin jumysshylardy qospaǵanda, turǵyndar qozǵalysy saǵat 23.00-den 06.00-ge deiin shekteledi.
Jasy 65-ten asqan adamdarǵa azyq-túlik, dári-dármek pen meditsinalyq buiymdardy, sondai-aq qajetti taýarlardy satyp alýdy jáne meditsinalyq mekemelerge barýdy qospaǵanda, asa qajettilik bolmasa, turǵylyqty jerinen ketpeýge keńes beriledi.
Jerleý sharalaryn ótkizgen kezde keminde 2 metr áleýmettik araqashyqtyqty saqtai otyryp, 20-dan astam (otbasy músheleri, jaqyn týystar) adamnyń jinalýyna jol berilmeýi qajet.
Sanitarlyq posttar arqyly kedergisiz kirýge / shyǵýǵa (jol paraqtaryn, jumys buiryqtaryn, tapsyrma josparlaryn, júkqujattaryn, issapar qujattaryn, meditsinalyq mekemelerdiń joldamalaryn, jeke kýálikterin kórsetken kezde) tómendegiler úshin ruqsat etiledi:
- halyqtyń tynys-tirshiligin qamtamasyz etý uiymdarynyń qyzmetkerleri;
- meditsinalyq kórsetkishter boiynsha kiretin jáne shyǵatyn adamdar;
- karantindi statsionarlarda emdelýshiler men baqylanýshylar;
- júk tasymaldaýshylar men tranzittik jolaýshylar;
- aýysym (vahta) jumysshylaryn tasymaldaityn kólik quraldary;
- kúzgi dalalyq jumystarǵa, tabiǵatty qorǵaý, veterinarlyq, aýyl sharýashylyǵy jumystaryna, joldardy jóndeýge, avariialyq-qutqarý qyzmetine, asa qajet taýarlardy, azyq-túlik ónimderin, dári-dármekterdi, qatty, suiyq janar-jaǵar mai materialdaryn jetkizýshilermen, sondai-aq barlyq júk tasymalymen ainalysatyn adamdar, oblystyń sharýashylyq ómirin qamtamasyz etetin jabdyqtarmen jáne materialdarmen ainalysatyndar, rastaityn qujattardy (memlekettik tirkeý týraly kýálik, qyzmetkerler úshin - jumys ornynan mórmen rastalǵan erkin úlgidegi anyqtama) kórsetken kezde;
- turaqty turǵylyqty jerine oralatyn adamdar jáne oblys turǵyndary (bir otbasy músheleri) saiajai úilerine (saiajailarǵa, omartaǵa, qystaqqa) barý úshin quqyq belgileitin qujattardy kórsetken kezde;
- jaqyn týysqany (ákesi, anasy, aǵasy, apasy, balalary) qaitys bolǵan turǵyndar;
- turǵylyqty jerinen jumys ornyna jáne keri qaitý kezinde jumys berýshiniń mórmen rastalǵan erkin úlgidegi anyqtamasy bolǵan kezde.
Erekshe jaǵdailarda osy qaýlyda kórsetilgen sanattardy qospaǵanda, adamdardyń jekelegen sanattaryna aýdandar men qalalardyń sanitarlyq beketteri arqyly shyǵýǵa jáne kirýge ruqsat aýdannyń nemese qalanyń jergilikti atqarýshy organynyń sheshimi boiynsha berilýi múmkin.
Batys Qazaqstan oblysynyń ákimdigi, Oral qalasy jáne aýdan ákimderi:
- oiyn-saýyq, sporttyq is-sharalardy, kórmelerdi, forýmdardy, konferentsiialardy, sondai-aq otbasylyq, estelik is-sharalardy (banketter, úilený toilary, mereitoilar, eske alý jáne t. b.), onyń ishinde úide jáne jappai adamdar jinalatyn ózge de is-sharalardy ótkizýge jol bermeý;
- barlyq oiyn-saýyq obektileriniń, kinoteatrlardyń, fýdkorttardyń, banket zaldarynyń, barlyq túrdegi oiyn alańdarynyń (aýlalardy qospaǵanda), túngi klýbtardyń, barlardyń, karaoke, kompiýterlik jáne oiyn klýbtarynyń, kalian, býkmekerlik keńselerdiń qyzmetin, merekelerdi uiymdastyrý boiynsha keiteringtik qyzmetter men qyzmetter kórsetýdi, menshik nysanyna qaramastan mektepke deiingi balalar mekemeleriniń (kezekshi toptardy qospaǵanda), jármeńkelerdiń qyzmetterin toqtata turý;
- sportshylardyń Qazaqstan Respýblikasynan tys jerlerde oqý-jattyǵý jiyndary men jarystarǵa qatysýy úshin shyǵýyna tyiym salý;
- áýejailarǵa, temir jol vokzaldaryna kútip alatyn jáne shyǵaryp salatyn adamdardyń kirýine shekteý qoiý (qarttardy, júgi bar múmkindikteri shekteýli adamdardy qarsy alatyn jáne shyǵaryp salatyn adamdardy qospaǵanda), adamdardyń jinalýyna jol bermeýdi qamtamasyz etýi tiis.
Jumys ýaqyty men rejimi boiynsha shekteýler:
- koronavirýstyq infektsiianyń profilaktikasyna baǵyttalǵan jáne halyqtyń tynys-tirshiligin qamtamasyz etetin epidemiiaǵa qarsy is-sharalarǵa baǵyttalǵan qyzmetterdi qospaǵanda memlekettik organdar men kvazimemlekettik sektor uiymdary qyzmetkerleriniń keminde 80 paiyzyn, sondai-aq jeke kásipkerlik qyzmetkerleriniń keminde 50 paiyzyn qashyqtan jumys nysanyna aýystyrý; qashyqtan jumys isteýge birinshi kezekte 50 jáne odan joǵary jastaǵy qyzmetkerlerdi aýystyrý. Jinalystar, keńester, seminarlar, konferentsiialardy tek selektorlyq rejimde jáne oflain rejimde ótpeitin beinekonferentsbailanys arqyly ótkize otyryp aýystyrý;
- halyqqa qyzmet kórsetý ortalyqtarynyń, (budan ári-HQKO), sonyń ishinde arnaiy HQKO-nyń jumysyjumys kúnderi (dúisenbi-juma) saǵat 9.00-den 18.00-ge deiin, senbi kúnderi saǵat 9.00-den 14.00-ge deiin belgilei otyryp, uiymdastyrylsyn. Karantin sharalaryn qamtamasyz etý úshin HQKO-ǵa jáne arnaiy HQKO-ǵa barý Egov.kz, telegramm-bot EgovKZBot 2.0 arqyly aldyn ala jazylý boiynsha júzege asyrý;
- memlekettik kórsetiletin qyzmet ortalyqtarynda memlekettik kiris ǵimarattarynyń qyzmeti jumys kúnderi (dúisenbi-juma) (túski úzilispen) saǵat 09:00-den 18:00-ge deiin jumys ýaqytyn shektei otyryp uiymdastyrylsyn. Karantin sharalaryn saqtaý úshin memlekettik kiris organdaryna (Oral q. boiynsha MKB-y www.kgd.gov.kz saity, E-salyq mobildi qosymshasy arqyly kezekti aldyn ala jazylý) nemese aýdandardaǵy aýmaqtyq basqarmalar aldyn ala jazylý boiynsha halyqqa qyzmet kórsetýleri usynylady;
- synyptarda 15 balaǵa deiin bilim mekemelerinde mektep aldy oqýshylaryna kezekshilik synyptarynyń, ata-ana ótinishi boiynsha 1-4 synyptarǵa 15 balaǵa deiin 5-ten 180 balany qamtityn mektepterdiń jumysyna ruqsat berý;
- balalar túzetý kabinetteri, balalardyń bilim berý ortalyqtary, balalardy damytý ortalyqtary, úiirmeler, balalarǵa arnalǵan kýrstar (15 adamnan aspaityn toptar) aldyn ala jazylý boiynsha jumys kestesi saǵat 09.00-den 18.00-ge deiin;
- mektepke deiingi balalar uiymdarynyń kezekshi toptaryndaǵy (sany 15 baladan aspaityn) jatyn bólmelerindegi kerýetter arasyndaǵy qashyqtyq keminde 1 metr;
- meditsinalyq-áleýmettik mekemeler saǵat 09.00-den 18.00-ge deiin;
- meditsinalyq ortalyqtar (aldyn-ala jazylý boiynsha) saǵat 10.00-den 18.00-ge deiin;
- stomatologiialyq klinikalar (aldyn-ala jazylý boiynsha) saǵat 10.00-den 18.00-ge deiin;
- halyqtyń turýy boiynsha qyzmetteri salasyndaǵy obektiler (qonaq úiler, otelder, demalys úileri jáne t.b.) tolý koeffitsienti 50% -dan aspasyn;
- halyqqa qyzmet kórsetý obektileri: avtojýý, tehnikalyq qyzmet kórsetý stansasy, avtomobilderdi jóndeý saǵat 09.00-den 21.00-ge deiin, turmystyq tehnika jáne t.b. jóndeý - saǵat 09.00-den 18.00-ge deiin;
- bank qyzmetteri saǵat 09.00-den 18.00-ge deiin;
- biznes ortalyqtary (saqtandyrý kompaniialary, advokattyń qyzmetteri jáne notariýstyń, býhgalterdiń jáne konsaltingtiń zań qyzmetteri, jyljymaityn múlik jónindegi agenttikter, jarnama agenttikteri, sot oryndaýshylary), aiyrbastaý pýnktteri, lombardtar, saǵat 09.00-den 17.00-ge deiin;
- monshalar, saýnalar jumys kúnderi: saǵat 09.00-den 20.00-ge deiin, demalys kúnderi: saǵat 09.00-den 19.00-ge deiin (1 kelýshige keminde 4 sharshy metr esebinen nysan syiymdylyǵynyń 50 paiyzynan aspai tolýy tiis);
- erekshe qorǵalatyn tabiǵi aýmaqtarda: memlekettik ulttyq tabiǵi saiabaqtar, qoryqtar jáne basqalarynda (jeke jáne 15 adamnan aspaityn uiymdasqan toptar úshin) kem degende 2 metr áleýmettik araqashyqtyq jáne maska rejimi saqtalsyn;
- mádeniet nysandaryna tek jumys kúnderi saǵat 09.00-den 18.00-ge deiin jumys isteýge ruqsat etilsin (1 kelýshige 5 sharshy metrden kem emes eseppen toltyrylýy 50 paiyzdan aspasyn). Ujymdyq daiyndyq ótkizýge tyiym salý;
- dini nysandar (meshitter, shirkeýler, soborlar, sinagogalar jáne basqalar) bir kelýshige 30 paiyzynan aspaityn jáne keminde 5 sharshy metr toltyrylýyn qamtamasyz ete otyryp, jumys kúnderi ǵana jumys isteýge ruqsat etilsin. Buqaralyq is-sharalardy (juma namazy, dini joralǵylar jáne t. b.) ótkizýge tyiym salý;
- azyq-túlik dúkenderi saǵat 09.00-den 22.00-ge deiin (azyq-túlik ónimderin satý kókónister men jemisterdi qospaǵanda tek ólshep-oralǵan túrde júrgizilýi tiis);
- kúsheitilgen sanitarlyq-dezinfektsiialyq rejimdi saqtai otyryp, azyq-túlik bazarlary men azyq-túlik emes bazarlar (jumys kestesi saǵat 10.00-den 17.00-ge deiin);
- saýda úileri men ortalyqtary (pavilondar, býtikter), saýda jelileri, azyq-túlik emes dúkender jumys kúnderi ǵana saǵat 10.00-den 21.00-ge deiin jumys isteýge ruqsat etiledi (toltyrylýy nysan syiymdylyǵynyń 30 paiyzynan asyrmai, 1 kelýshige 4 sharshy metrden kem emes);
- qoǵamdyq tamaqtaný nysandaryna jumys kúnderi saǵat 10.00-den 21.00-ge deiin (ujymdyq is-sharalar ótkizbei, 30-dan aspaityn otyratyn oryn ornatyp, ústelder arasyndaǵy qashyqtyq keminde 2 metr saqtalýyn qamtamasyz etip, bir ústelge otyrǵyzý 4 adamnan aspaýy tiis). Demalys kúnderi (senbi, jeksenbi) kelýshilerdi qabyldamai, tek jetkizý úshin jumys jasaý;
- sulýlyq salondary, shashtarazdar, kosmetologiialyq qyzmet kórsetetin nysandar, Ѕra ortalyqtar (salondar) aldyn ala jazylý boiynsha saǵat 10.00-den 18.00-ge deiin (1 kelýshige keminde 4 sharshy metr). Jeksenbi kúnderi jumysty toqtata turý;
- fitnes ortalyqtar, sporttyq-saýyqtyrý nysandary, sport jáne trenajer zaldary aldyn ala jazylý boiynsha jumys kúnderi ǵana saǵat 07.00-den 22.00-ge deiin jumys isteýge ruqsat etiledi (1 kelýshige keminde 5 sharshy metr esebinen toltyrylýy nysan syiymdylyǵynyń 50 paiyzynan aspaidy). Jeksenbi kúnderi jumysty toqtata turý;
- basseinder aldyn ala jazylý boiynsha, tek jumys kúnderi 07.00-den 22.00-ge deiin jumys isteýge ruqsat etiledi. Jeksenbi kúnderi toqtata turý.
Demalys kúnderi (senbi, jeksenbi) jáne mereke kúnderi (Qazaqstan Respýblikasynyń eńbek zańnamasyna sáikes):
- azyq-túlik sýpermarketteri men dárihanalardy qospaǵanda, saýda úileri men ortalyqtarynyń (býtikter, pavilondar) jumysyn toqtata turý;
- azyq-túlik emes jáne azyq-túlik ashyq jáne jabyq bazarlardyń jumysyn toqtata turý;
- dini nysandardyń (meshitter, shirkeýler, soborlar, sinagogalar jáne basqalar) jumysyn toqtata turý;
- mádeniet nysandarynyń (jeke, toptyq daiyndyq), kitaphanalardyń, murajailardyń jáne t. b. jumysyn toqtata turý;
- qoǵamdyq avtokólik jumysyn toqtatý;
Qoǵamdyq kóliktiń jumys kestesi:
Qoǵamdyq avtokólik shekteýli rejim sheńberinde jumys kúnderi: saǵat 06.00-den 23.00-ge deiin, birkelki qozǵalys kestesimen, qarbalas saǵattarda qoǵamdyq kólik jelide maksimaldy shyǵýymen jumys isteidi.
Sońǵy aialdamalarda qoǵamdyq avtokólikterge kúndelikti dezinfektsiia júrgizýdi qamtamasyz etý.
Qoǵamdyq kóliktiń toltyrylýy qatań túrde otyrǵyzý oryndary boiynsha bolýy tiis.
Qoǵamdyq kólik antiseptikalyq quraldarmen qamtamasyz etilýi tiis, qoǵamdyq kólikke tek jeke qorǵanysh quraldarymen (meditsinalyq betperdelermen) kirýge ruqsat etiledi.
Jeńil kóliktiń (taksi) tolymdylyǵy 3 adamnan artyq bolmaýy tiis. Jeńil kólik jeke qorǵanysh quraldarymen (meditsinalyq betperdelermen, qolǵaptarmen) jáne antiseptiktermen qamtamasyz etilýi tiis.
Halyqaralyq eki jaqty jáne tranzittik júk tasymaldaryn júzege asyratyn júrgizýshiler (sheteldik jáne Qazaqstan Respýblikasy azamattary) COVID-19 testiniń teris nátijesi bar anyqtamany (PTR ádisimen, onyń nátijesi berilgen kúnnen bastap 3 táýlikten aspaityn) usynýǵa mindetti. Qazaqstan azamattarynda anyqtama bolmaǵan jaǵdaida, júk tasymaldaýshylar PTR test nátijelerin bergenge deiin 2 táýlikke karantinge ornalastyrylady.
Menshik nysanyna qaramastan, barlyq uiymdar men kásiporyndar sanitarlyq-epidemiologiialyq rejimniń saqtalýyn, atap aitqanda:
- «Sanitariialyq-epidemiiaǵa qarsy jáne sanitariialyq-profilaktikalyq is-sharalardy uiymdastyrý men júrgizýdiń keibir máseleleri týraly» Qazaqstan Respýblikasy Densaýlyq saqtaý ministriniń 2020 jylǵy 5 shildedegi № QR DSM-78/2020 buiryǵy talaptarynyń saqtalýyn qamtamasyz etý;
- personaldy, qyzmetkerlerdi jeke qorǵanysh quraldarymen (betperdelermen, qolǵaptarmen) qamtamasyz etý;
- úi-jailardyń, ǵimarattardyń kiretin jáne shyǵatyn jerlerine sanitaizerler ornatý;
- kelýshilerdi, klientterdi úi-jailarǵa betperdesiz kirgizbeý;
- úi-jailardyń ishinde jáne syrtynda adamdar arasynda áleýmettik qashyqtyqtyń saqtalýyn baqylaý, belgilerdiń bolýyn qamtamasyz etý;
- úi-jailardy únemi ylǵaldy jinaý, dezinfektsiialaý jáne úi-jailardy jeldetý;
- kelýshilerdiń jai-kúiine turaqty monitoring júrgizý úshin barlyq nysandardyń kire berisinde qol teplovizory arqyly qashyqtyqtan bailanyssyz termometriia júrgizý;
- júrgizilgen/alynǵan qyzmetter úshin qolma-qol aqshasyz esep aiyrysý (tólem kartalary, telefondaǵy qosymsha) úshin barynsha jaǵdai jasaýdy qamtamasyz etýi tiis.
Qaýly 10 qarashadan bastap zańdy kúshine enedi.
