Batys Qazaqstan oblysynda III respýblikalyq Qadyr oqýlary márege jetti, dep habarlaidy "Ult aqparat".
Qazaqstannyń halyq jazýshysy, Memlekettik syilyqtyń iegeri Qadyr Myrza Álidiń 85 jyldyǵyna orai aqyn óleńderin nasihattaý, oqýshylardyń shyǵarmashylyq qabiletin damytý baǵytynda is-shara biyl onlain túrde uiymdastyryldy.
Baiqaý ótken aqynnyń týǵan jeri – Syrym aýdanyna tek qazylar alqasy keldi.
Syrym aýdanynyń ákimi Tólegen Tóreǵaliev pen belgili ánshi-kompozitor, Qazaqstannyń eńbek sińirgen qairatkeri, Qadyr Myrza Áli qoǵamdyq qorynyń direktory Donedil Qajymov dodaǵa qatysýshylardy quttyqtap, respýblikalyq Qadyr oqýlarynyń jyl saiyn aiasy keńip, deńgeii ósip kele jatqanyn atap ótti.
«Sózim barda – ózim bar» bóliminde qatysýshylar aqynnyń shyǵarmalaryn Zoom beinebailanysy arqyly naqyshyna keltirip, jatqa oqydy.
Bul bólim boiynsha Oral qalasyndaǵy daryndy balalarǵa arnalǵan S.Seifýllin atyndaǵy №11 oblystyq mamandandyrylǵan mektep-internatynyń 10-synyp oqýshysy Aqjol Júsip bas júldeni jeńip aldy.
Syrym aýdany Qosoba orta mektebiniń 6-synyp oqýshysy Nursaia Iýnýs birinshi, Almaty oblysy Kóksý aýdany Qyzyltoǵan orta mektebiniń 9-synyp oqýshysy Gúlnár Erjan men Mańǵystaý oblysy Mańǵystaý aýdany Shetpe litseiiniń 9-synyp oqýshysy Arailym Ýálihan ekinshi, Almaty qalasy Jetisý aýdany №108 jalpy bilim beretin mektebiniń 10-synyp oqýshysy Jansaia Kómekova, Nur-Sultan qalasy №64 mektep-litseiiniń 6-synyp oqýshysy Dilnaz Nurhamit jáne Aqtóbe oblysy Baiǵanin aýdany, T.Jarmaǵambetov atyndaǵy orta mektebiniń 10-synyp oqýshysy Aiala Muhambetova úshinshi orynǵa ie boldy.
«Bolý úshin jaralǵam týǵan jerdiń jyraýy...» bóliminde úmitker Qadyr Myrza Áli sózderine jazylǵan bir ándi oryndap, instagram paraqshasynda #QadyrOqýlary85án heshtegimen saldy. Munda bas júlde Almaty oblysy Talǵar aýdany № 31 orta mektebiniń 6-synyp oqýshysy Nurasyl Júnisbekke buiyrdy.
Qyzylorda oblysy Qarmaqshy aýdany №108 orta mekteptiń 8-synyp oqýshysy Nazym Abdýlqasym birinshi, Almaty qalasy Almaly aýdany №128 jalpy bilim beretin mektebiniń 6-synyp oqýshysy Miras Maksimov pen Syrym aýdany Q.Myrzaliev atyndaǵy orta mekteptiń 8-synyp oqýshysy Erasyl Ómirjan ekinshi, Aqtóbe qalasy №42 orta mektebiniń 9-synyp oqýshysy Arnur Muhtar, Mańǵystaý oblysy Mańǵystaý aýdany Shetpe gimnaziiasy 8-synyp oqýshysy Aqnur Satybaldy jáne Kókshetaý qalasy Abai atyndaǵy daryndy balalarǵa arnalǵan №3 oblystyq mamandandyrylǵan mektep-internatynyń 11-synyp oqýshysy Shuǵyla Eleshqyzy úshinshi orynǵa kóterildi.
«Óleń jazdym toǵyz taraý, jeti órim» bóliminde qatysýshynyń aqyndyq sheberligi sarapqa salyndy. Talapkerler Q.Myrzalievke arnalǵan ózi shyǵarǵan óleńin mánerlep oqyp, Instagram paraqshasynda #QadyrOqýlary85aqyn heshtegimen saldy jáne óz shyǵarmalary jinaǵyn elektrondy pochta arqyly joldady.
Bul bólimde Oral qalasyndaǵy №19 orta mekteptiń 11-synyp oqýshysy Qadyr Merekeuly úzdik atandy.
Sondai-aq Syrym aýdany J.Dosmuhamedov atyndaǵy mektep-balabaqsha kesheniniń 6-synyp oqýshysy Syrymbek Orazbek birinshi, Almaty oblysy Sarqan aýdany N.Ostrovskii atyndaǵy mektep litseiiniń 10-synyp oqýshysy Ersaiyn Tursyn men Qyzylorda oblysy Syrdariia aýdany №37 mektep-litseiiniń 10-synyp oqýshysy Hanzada Seiilbek ekinshi, Jambyl oblysy Baizaq aýdany Diqan tirek mektebiniń 10-synyp oqýshysy Iliias Qýandyq, Mańǵystaý oblysy Mańǵystaý aýdany Shetpe gimnaziiasynyń 11-synyp oqýshysy Ýáli Málikov jáne Nur-Sultan qalasy №55 orta mekteptiń 10-synyp oqýshysy Aiaýlym Órkenqyzy úshinshi júldeni enshiledi. Al Qostanai oblysy Rýdnyi qalasy Beiimbet Mailin atyndaǵy №7 mektep-gimnaziiasynyń 10-synyp oqýshysy Jambyl Toqqojaev Syrym aýdanynyń arnaiy syilyǵymen marapattaldy.
Baiqaýǵa qatysýshylardyń bir tobyna alǵyshattar berildi.
«Biyl úshinshi ret uiymdastyrylǵan Qadyr oqýlaryna elimizdiń aimaqtary men qalalarynan otyzdan astam úmitker qatysyp, baq synady. Uly aqynnyń shyǵarmashylyǵyn keńinen nasihattaý maqsatynda saiysty aldaǵy ýaqytta da jalǵastyratyn bolamyz», dedi QazAqparat tilshisine aýdan ákimi, qazylar alqasynyń tóraǵasy Tólegen Tóreǵaliev.
