Batys Qazaqstan oblysynda pnevmoniiamen 1 600 adam aýyrdy, dep habarlaidy "Ult aqparat".
BQO Densaýlyq saqtaý basqarmasynyń basshysy Bolatbek Qaiýpovtyń brifingide málim etýinshe, óńirde koronavirýsqa shaldyqqandar sany 4 837-ge jetti. Onyń ishinde 3 655 adam jazylyp shyqsa, 22-si kóz jumdy.
Sonymen qatar 1 600 adam pnevmoniiamen syrqattansa, olardyń 260-sy provizorlyq, 608-i juqpaly aýrýlar statsionarynda, sondai-aq 732-si ambýlatoriialyq em alyp jatyr.
Oblysta 10 adam ókpeni jasandy jeldetý apparatyna qosylǵan. Oǵan qosa aýyr haldegiler qataryna teńestirilgen taǵy 110 emdelýshi ottegi kontsentratorymen tynys alýda.
«Qazirgi tańda koronavirýstan emdeýge 29 meditsina uiymy (1 628 tósek-oryn) jumyldyrylǵan. Júktemeniń artýyna bailanysty jedel járdem brigadalarynyń sany 63-ke jetti, bul ótken jylǵydan 26 kólik kóp. Jaǵdaiy aýyr naýqastar arasynda ólim-jitimniń aldyn alý maqsatynda 60 jedel brigada jumys istep, barlyq aýdandy qamtýda. Biryńǵai bailanys júiesinde táýlik boiy úsh aýysymda call-ortalyqta shtattan tys mamandar ambýlatorlyq em alý úshin qashyqtan keńes berýde. Barlyǵy 60 131 PTR test jasalsa, munyń táýliktegi sany 950-ge jetti», - dedi B.Qaiýpov.
Memlekettik tapsyrysty 5 zerthana oryndaýda. Sonyń tórteýi – memlekettik mekeme.
Oblysta barlyǵy 130 jasandy tynys alý apparaty bolsa, sonyń 78-i juqpaly aýrýlar jáne provizorlyq statsionarda iske qosylǵan. «Oral Med Region» JShS aiyna mundai apparattyń 10-yn shyǵara alady. Qazirdiń ózinde seriktestik 8-in jasap úlgerdi. Óńirde sondai-aq 217 ottegi kontsentratory, 198 ottegi kózi, 8 kompiýter tomografy, 26 rentgen-apparat jáne 373 pýlsoksimetr bar.
Kúni búgin óńirde aldyńǵy shepte 1837 meditsina qyzmetkeri eńbek etip jatsa, sonyń 270-i – dárigerler, 944-i – orta, 406-sy – kishi býyn qyzmetkerleri.
B.Qaiýpovtyń sózine qaraǵanda, juqpaly aýrýlar jáne provizorlyq statsionarlarda 286 meditsina kadry jetispese, sonyń 27-si – dárigerler. 115 orta, 144 kishi qyzmetker de qajet. JOO-lar men meditsina kolledjderi túlekteri esebinen 200 adamnan turatyn kadr rezervi jasaqtaldy.
Oblystyq densaýlyq saqtaý basqarmasynyń basshysy dári-dármekpen qamtýda da tiisti sharalar qolǵa alynǵanyn atap ótti.
Brifingige qatysqan Reseiden kelgen mamandar tobynyń jetekshisi, dáriger-epidemiolog Pavel Gýsev kez kelgen jastaǵy balalardyń, tipti jańa týǵan náresteniń koronavirýs juqtyryp alýy múmkin ekendigin jetkizdi. Koronavirýs balalarda aýrý belgisinsiz nemese aýyr túrde ótýi yqtimal. Bul jerde dert olardyń jasyna qaramaidy. Jalpy, indetpen úlken de, kishi de aýyratynyn eskerý kerek.
Dárigerdiń sózine qaraǵanda, eki elde de koronavirýstyń taralýynda, ony emdeýde uqsas jaqtary bar. Reseide qazirgi tańda koronavirýspen aýyrǵandar arasynda immýnitettiń qalyptasý máselesine monitoring júrgizilýde. Antidene bar, biraq onyń adamnyń aǵzasynda qansha ýaqytqa deiin bolatyny áli anyqtala qoiǵan joq.
«Qazirgi kezde Reseimen qatar Qazaqstanda emdeý algoritmine virýsqa qarsy preparat – favipiravir qosyldy. Ol saýda júiesinde avifavir degen ataýmen belgili. Bul dári-dármek Ebola virýsyn emdeýde tiimdi ekendigin kórsetti. Bir aitaiyn degenim, Qazaqstanda sońǵy kezde indetke shaldyqqandar sany kóbeiip ketip otyr. Sondyqtan ara qashyqtyqty saqtap, betperde kiip, basqa da sanitarlyq talaptardy buljytpai oryndaǵan jón dep aitqym keledi», dedi P.Gýsev.
