باتىس قازاقستان وبلىسىندا پنەۆمونييامەن 1 600 ادام اۋىردى, دەپ حابارلايدى "ۇلت اقپارات".
بقو دەنساۋلىق ساقتاۋ باسقارماسىنىڭ باسشىسى بولاتبەك قايۋپوۆتىڭ بريفينگٸدە مەلٸم ەتۋٸنشە, ٶڭٸردە كوروناۆيرۋسقا شالدىققاندار سانى 4 837-گە جەتتٸ. ونىڭ ٸشٸندە 3 655 ادام جازىلىپ شىقسا, 22-سٸ كٶز جۇمدى.
سونىمەن قاتار 1 600 ادام پنەۆمونييامەن سىرقاتتانسا, ولاردىڭ 260-سى پروۆيزورلىق, 608-ٸ جۇقپالى اۋرۋلار ستاتسيونارىندا, سونداي-اق 732-سٸ امبۋلاتورييالىق ەم الىپ جاتىر.
وبلىستا 10 ادام ٶكپەنٸ جاساندى جەلدەتۋ اپپاراتىنا قوسىلعان. وعان قوسا اۋىر حالدەگٸلەر قاتارىنا تەڭەستٸرٸلگەن تاعى 110 ەمدەلۋشٸ وتتەگٸ كونتسەنتراتورىمەن تىنىس الۋدا.
«قازٸرگٸ تاڭدا كوروناۆيرۋستان ەمدەۋگە 29 مەديتسينا ۇيىمى (1 628 تٶسەك-ورىن) جۇمىلدىرىلعان. جٷكتەمەنٸڭ ارتۋىنا بايلانىستى جەدەل جەردەم بريگادالارىنىڭ سانى 63-كە جەتتٸ, بۇل ٶتكەن جىلعىدان 26 كٶلٸك كٶپ. جاعدايى اۋىر ناۋقاستار اراسىندا ٶلٸم-جٸتٸمنٸڭ الدىن الۋ ماقساتىندا 60 جەدەل بريگادا جۇمىس ٸستەپ, بارلىق اۋداندى قامتۋدا. بٸرىڭعاي بايلانىس جٷيەسٸندە تەۋلٸك بويى ٷش اۋىسىمدا call-ورتالىقتا شتاتتان تىس ماماندار امبۋلاتورلىق ەم الۋ ٷشٸن قاشىقتان كەڭەس بەرۋدە. بارلىعى 60 131 پتر تەست جاسالسا, مۇنىڭ تەۋلٸكتەگٸ سانى 950-گە جەتتٸ», - دەدٸ ب.قايۋپوۆ.
مەملەكەتتٸك تاپسىرىستى 5 زەرتحانا ورىنداۋدا. سونىڭ تٶرتەۋٸ – مەملەكەتتٸك مەكەمە.
وبلىستا بارلىعى 130 جاساندى تىنىس الۋ اپپاراتى بولسا, سونىڭ 78-ٸ جۇقپالى اۋرۋلار جەنە پروۆيزورلىق ستاتسيوناردا ٸسكە قوسىلعان. «ورال مەد رەگيون» جشس ايىنا مۇنداي اپپاراتتىڭ 10-ىن شىعارا الادى. قازٸردٸڭ ٶزٸندە سەرٸكتەستٸك 8-ٸن جاساپ ٷلگەردٸ. ٶڭٸردە سونداي-اق 217 وتتەگٸ كونتسەنتراتورى, 198 وتتەگٸ كٶزٸ, 8 كومپيۋتەر توموگرافى, 26 رەنتگەن-اپپارات جەنە 373 پۋلسوكسيمەتر بار.
كٷنٸ بٷگٸن ٶڭٸردە الدىڭعى شەپتە 1837 مەديتسينا قىزمەتكەرٸ ەڭبەك ەتٸپ جاتسا, سونىڭ 270-ٸ – دەرٸگەرلەر, 944-ٸ – ورتا, 406-سى – كٸشٸ بۋىن قىزمەتكەرلەرٸ.
ب.قايۋپوۆتىڭ سٶزٸنە قاراعاندا, جۇقپالى اۋرۋلار جەنە پروۆيزورلىق ستاتسيونارلاردا 286 مەديتسينا كادرى جەتٸسپەسە, سونىڭ 27-سٸ – دەرٸگەرلەر. 115 ورتا, 144 كٸشٸ قىزمەتكەر دە قاجەت. جوو-لار مەن مەديتسينا كوللەدجدەرٸ تٷلەكتەرٸ ەسەبٸنەن 200 ادامنان تۇراتىن كادر رەزەرۆٸ جاساقتالدى.
وبلىستىق دەنساۋلىق ساقتاۋ باسقارماسىنىڭ باسشىسى دەرٸ-دەرمەكپەن قامتۋدا دا تيٸستٸ شارالار قولعا الىنعانىن اتاپ ٶتتٸ.
بريفينگٸگە قاتىسقان رەسەيدەن كەلگەن ماماندار توبىنىڭ جەتەكشٸسٸ, دەرٸگەر-ەپيدەميولوگ پاۆەل گۋسەۆ كەز كەلگەن جاستاعى بالالاردىڭ, تٸپتٸ جاڭا تۋعان نەرەستەنٸڭ كوروناۆيرۋس جۇقتىرىپ الۋى مٷمكٸن ەكەندٸگٸن جەتكٸزدٸ. كوروناۆيرۋس بالالاردا اۋرۋ بەلگٸسٸنسٸز نەمەسە اۋىر تٷردە ٶتۋٸ ىقتيمال. بۇل جەردە دەرت ولاردىڭ جاسىنا قارامايدى. جالپى, ٸندەتپەن ٷلكەن دە, كٸشٸ دە اۋىراتىنىن ەسكەرۋ كەرەك.
دەرٸگەردٸڭ سٶزٸنە قاراعاندا, ەكٸ ەلدە دە كوروناۆيرۋستىڭ تارالۋىندا, ونى ەمدەۋدە ۇقساس جاقتارى بار. رەسەيدە قازٸرگٸ تاڭدا كوروناۆيرۋسپەن اۋىرعاندار اراسىندا يممۋنيتەتتٸڭ قالىپتاسۋ مەسەلەسٸنە مونيتورينگ جٷرگٸزٸلۋدە. انتيدەنە بار, بٸراق ونىڭ ادامنىڭ اعزاسىندا قانشا ۋاقىتقا دەيٸن بولاتىنى ەلٸ انىقتالا قويعان جوق.
«قازٸرگٸ كەزدە رەسەيمەن قاتار قازاقستاندا ەمدەۋ الگوريتمٸنە ۆيرۋسقا قارسى پرەپارات – فاۆيپيراۆير قوسىلدى. ول ساۋدا جٷيەسٸندە اۆيفاۆير دەگەن اتاۋمەن بەلگٸلٸ. بۇل دەرٸ-دەرمەك ەبولا ۆيرۋسىن ەمدەۋدە تيٸمدٸ ەكەندٸگٸن كٶرسەتتٸ. بٸر ايتايىن دەگەنٸم, قازاقستاندا سوڭعى كەزدە ٸندەتكە شالدىققاندار سانى كٶبەيٸپ كەتٸپ وتىر. سوندىقتان ارا قاشىقتىقتى ساقتاپ, بەتپەردە كيٸپ, باسقا دا سانيتارلىق تالاپتاردى بۇلجىتپاي ورىنداعان جٶن دەپ ايتقىم كەلەدٸ», دەدٸ پ.گۋسەۆ.
