Batys Qazaqstan oblysynda koronavirýsqa shaldyqqan 39 adam jansaqtaý bóliminde jatyr, dep habarlaidy "Ult aqparat".
BQO densaýlyq saqtaý basqarmasy málim etkenindei, ótken táýlikte 166, bir aptada 1343 adam indet juqtyrdy.
Pnevmoniiamen aýyrǵan 450 naýqas statsionarda, 40-y ambýlatorlyq em alýda.
Kúni búgin invazivti jasandy tynys alý apparatyna 1, invazivti emes osyndai qurylǵyǵa 5, ottegi kontsentratoryna 20, ortalyqtandyrylǵan ottegi kózine 135 adam qosylǵan.
Oblysta 1115 tósektik 11 infektsiialyq statsionarda 617 adam emdelýde. Juqpaly aýrýlar aýrýhanalary 55,3, jansaqtaý bólimsheleri (74 tósek) 52,7 paiyzǵa tolǵan. Sondai-aq 195 tósektik 4 karantindik statsionarda 5 adam jatyr.
Rezerv retinde 1452 (687-si infektsiialyq, 765-i karantindik) tósek-oryn ázirlendi.
Basqarma málimetine qaraǵanda, biyl 693, oqý jyly bastalǵan qyrkúiekten beri 898 bala koronavirýs juqtyrdy.
Iri kásiporyndardan «Jaiyqmunai» JShS-da jyl basynan beri 38, Qarashyǵanaq kenishin igerip jatqan «QPO b.v.» kompaniiasynan 96 adamnan indet tabyldy.
