Batys Qazaqstan oblysynda koronavirýsqa qarsy egilgender sany 31 myńnan asty, dep habarlaidy "Ult aqparat".
BQO densaýlyq saqtaý basqarmasy málim etkenindei, qazirgi tańda 31187 adam (83 paiyz) vaktsinanyń birinshi komponentin aldy.
Sonyń ishinde 5718-i – meditsina qyzmetkerleri, 4864-i – pedagogtar, 2315-i – quqyq qorǵaý, 18290-y – basqa sala ókilderi.
Sondai-aq 7674 adam vaktsinanyń II komponentimen egildi.
Oblysqa 23 sáýir kúni 12400 doza (I komponent) jetkizilgen bolatyn.
Oǵan qosa 25 sáýirde ákelingen 2 myń doza (1 myńy – I, jartysy – II komponent) otandyq QAZVAS vaktsinasyn da turǵyndar qabyldaýda. Budan 117 doza (11,7 paiyz) jumsaldy.
Basqarma málimetine qaraǵanda, sońǵy túsken partiiadan (13400 doza) 7112 adam (53 paiyz) birinshi komponentti aldy. Aitalyq, 26 sáýirde – 2500, 27-sinde 2192 adam egildi. Iaǵni aldyńǵy kúndermen salystyrǵanda, ekpe alýshylar qatary kóbeidi.
Oblysta 30 meditsina uiymdarynda egý kabinetteri demalyssyz jumys isteýde.
Jalpy, vaktsinatsiia bastalǵannan beri oblysqa 62700 (37550-i – I, 25150-i – II komponent) doza vaktsina jetkizildi.
